Taravari në Bërvenicë: Drejt rrugës së fitores, ASH më e bashkuar se kurrë

Kryetari i Aleancës për Shqiptarët (ASH), Arben Taravari, në kuadër të takimeve me strukturat partiake në terren, ka qëndruar mbrëmë në komunën e Bërvenicës, përcjell Flaka

Takimi me anëtarët lokalë të degës së ASH-së në këtë komunë u zhvillua në atmosferë entuziazmi dhe përkushtimi. “Takim me anëtarët e degës së Bërvenicës së ASH-së…”, ka shkruar shkurtimisht Taravari në rrjetet sociale, duke bashkangjitur edhe një fotografi nga ngjarja.

Anëtarësia në Bërvenicë ka rikonfirmuar besnikërinë ndaj liderit të tyre, duke shprehur përkrahje të palëkundur për drejtimin që ka marrë partia nën udhëheqjen e Taravarit. Kjo mbështetje shihet si dëshmi e përkushtimit dhe gatishmërisë për të kontribuar në fitoret e ardhshme elektorale.

“Mbështetja e njerëzve të tillë përtej nderit është përgjegjësi”, ka deklaruar më herët Taravari, duke nënvizuar rëndësinë e kontributit të veprimtarëve dhe anëtarëve besnikë të partisë.

Sipas tij, Aleanca për Shqiptarët është duke u konsoliduar si një forcë serioze politike në skenën shqiptare në Maqedoni, duke u përgatitur me vendosmëri për fitoren në zgjedhjet lokale të Tetorit.

Vizita në Bërvenicë dëshmon edhe njëherë se ASH vazhdon të rritet dhe të forcohet si njëra nga partitë më të rëndësishme shqiptare në vend, thonë nga kjo parti. Flaka Media