Shqiptarët nga Maqedonia e Veriut nisen drejt Tiranës: Policia shqiptare me aksion mikpritës në kufi

Botuar nga Flaka 7 Qershor, 2025 17:49

Ndeshja e shumëpritur mes Shqipërisë dhe Serbisë, që zhvillohet sonte në Tiranë, ka ngjallur një interes të jashtëzakonshëm jo vetëm në vend, por edhe përtej kufijve – veçanërisht te shqiptarët e Maqedonisë së Veriut.

Për të përballuar fluksin e madh të qytetarëve që udhëtojnë drejt kryeqytetit shqiptar, Policia e Shtetit, në bashkëpunim me Ambasadën e Shqipërisë në Shkup, organizoi sot një aktivitet të posaçëm në pikën kufitare të Bllatës.

Në kushte të temperaturave të larta verore, punonjësit e policisë shpërndanë ujë të pijshëm falas për udhëtarët dhe mundësuan kalimin e tyre me procedura të përshpejtuara. Kjo iniciativë, e realizuar në bashkëpunim me disa biznese lokale nga Dibra, u prit me entuziazëm nga qytetarët.

Ky veprim vlerësohet si një shembull pozitiv i bashkëpunimit ndërmjet institucioneve shtetërore dhe sektorit privat, duke vënë në qendër shërbimin dhe mirëqenien e qytetarëve, sidomos në ditë me ngarkesë të lartë lëvizjeje.

Atmosfera festive dhe mikpritja në kufi përforcojnë ndjenjën e bashkësisë dhe mbështetjes kombëtare në prag të një ndeshjeje me rëndësi të veçantë për gjithë shqiptarët. Flaka Madia

Botuar nga Flaka 7 Qershor, 2025 17:49

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.