Barça refuzon ofertën e parë për Ansu Fati
Botuar nga Drin Zenku
Dështojnë bisedimet për Ansu Fatin – Barcelona refuzon ofertën e Monacos
Përpjekjet e klubit francez AS Monaco për të transferuar sulmuesin Ansu Fati kanë dështuar, pasi Barcelona ka refuzuar kategorikisht ofertën e tyre. Sipas asaj që raporton Marca, marrëveshja ka kolapsuar për shkak të kërkesave të larta financiare, veçanërisht sa i përket pagës së lojtarit.
Monaco kishte propozuar një huazim pa mbulimin e plotë të pagës së spanjollit, një propozim që nuk është pranuar nga klubi katalanas. Barcelona nuk është e gatshme të mbulojë pagën e një lojtari që aktivizohet diku tjetër, veçanërisht duke marrë parasysh pagën e lartë të Fatit pas rinovimit të fundit të kontratës.
Ansu Fati, i cili u rikthye te Barça pas një huazimi jo shumë të suksesshëm te Brighton, nuk ka arritur të rikthejë formën e dikurshme. Ai ka luajtur vetëm 11 ndeshje këtë sezon, nga të cilat gjashtë në La Liga, pa shënuar apo asistuar asnjë gol.
Trajneri i ri i katalanasve, Hansi Flick, e ka lënë jashtë skuadrës në disa ndeshje radhazi, çka e bën të pasigurt të ardhmen e tij në Camp Nou.
Flaka
Botuar nga Drin Zenku
TË fundit
