Barça mendon shitjen e Ter Stegen
Botuar nga Drin Zenku
Barcelona mund të përfshijë Marc-André ter Stegen në listën e largimeve këtë verë, pavarësisht se ai është një nga kapitenët e skuadrës.
Portieri gjerman pritet të bie në hierarki sezonin e ardhshëm, pas afrimeve të pritshme të Joan Garcia dhe Marc Vidal, të cilët priten të jenë alternativat kryesore për sezonin 2025-26.
Ter Stegen është përgjigjur ndaj spekulimeve, duke theksuar se dëshiron të qëndrojë të paktën edhe një sezon në “Camp Nou”. Megjithatë, disa klube janë të gatshme të testojnë vendosmërinë e tij, veçanërisht përpara Kupës së Botës për Klube në verë.
Sipas “Sport”, Galatasaray ka kontaktuar Barcelonën për të mësuar rreth kushteve të një transferimi të mundshëm. Turqit shpresojnë që Barça të ndërpresë kontratën për të siguruar gjermanin si lojtar të lirë.
Pavarësisht interesimit, Ter Stegen nuk është prioriteti kryesor për portën e kampionëve të Turqisë. Objektivi i parë i Galatasaray mbetet portieri i Chelseat, Djordje Petrovic.
Barça, e cila kërkon të shkarkojë pagën e rëndë të gjermanit, mund të zhgënjehet, pasi 33-vjeçari nuk planifikon të largohet, duke e bërë transferimin të vështirë këtë verë.
Flaka
Botuar nga Drin Zenku
TË fundit
