Jeff Bezos dhe Lauren Sanchez martohen në Venecia, luks dhe kundërshtime
Botuar nga Drin Zenku
Venecia po bëhet epiqendra e një prej dasmave më madhështore të vitit, teksa Jeff Bezos dhe Lauren Sanchez pritet të kurorëzojnë dashurinë e tyre në një ceremoni luksoze, ku do të jenë të pranishëm mbi 250 të ftuar VIP. Emra si Lady Gaga, Leonardo DiCaprio, Oprah Winfrey, Kim Kardashian dhe Katy Perry do të jenë mes pjesëmarrësve të ngjarjes, e cila ka tërhequr vëmendje të madhe.
Nusja, Lauren Sanchez, ka planifikuar të veshë 27 fustane nusërie gjatë festimeve, ndërsa paparacët janë në ndjekje të çdo detaji, duke përdorur lente të gjata dhe dronë për të kapur momentet ekskluzive të dasmës.
Por kjo ceremoni nuk ka kaluar pa polemika. Aktivistë dhe banorë lokalë kanë protestuar kundër ndikimit që ngjarje të tilla kanë mbi Venecian, duke shprehur pakënaqësi me pankarta që thonë “Nuk ka vend për Bezos”. Në San Giorgio, një protestë simbolike ka shndërruar manastirin historik në një skenë të zemërimit qytetar, duke ngritur debatin mbi luksin dhe ndikimin e pasurisë ekstreme në hapësirat publike dhe kulturore.
Ndërkohë, dasma po zhvillohet mes një atmosfere magjepsëse dhe një paradë luksi, ku të ftuarit lundrojnë nëpër kanalet e Venecias me anije private që kushtojnë deri në 400 euro për orë. Venecia po gumëzhin – jo vetëm nga muzika e festës, por edhe nga zhurma e protestave.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
