Fiorentina e ndjek nga afër Kristian Shpendin – konkurrencë e fortë për transferimin!

Merkatoja verore pritet të sjellë lëvizje të rëndësishme për lojtarët shqiptarë, dhe një ndër emrat e përfolur është Kristian Shpendi. Sulmuesi i talentuar ka zhvilluar dy sezone pozitive me Çezenën, duke tërhequr vëmendjen e disa klubeve italiane.

Sipas mediave italiane, Fiorentina ka shfaqur interes të madh për Shpendin dhe e sheh atë si një alternativë serioze për të zëvendësuar Moise Keanin. Për momentin, klubi po shqyrton opsionet e sulmit, duke përfshirë edhe emra si Ciro Immobile, Edin Džeko dhe Joanidhisi. Gara për transferimin e sulmuesit shqiptar është e fortë, pasi konkurenca në Serie A është e ashpër.

Shpendi, i njohur për instinktin e tij të mprehtë të golit dhe performancat e shkëlqyera me Çezenën, mund të bëjë hapin e madh në një klub të nivelit më të lartë. Fiorentina është në kërkim të një sulmuesi që të përforcojë repartin ofensiv dhe të ofrojë garanci për golat në sezonin e ardhshëm.

Mbetet për t’u parë se si do të zhvillohen negociatat dhe nëse Fiorentina do të bëjë një hap konkret drejt transferimit të Kristian Shpendit në javët e ardhshme. Ky është një moment vendimtar për karrierën e tij, dhe tifozët shqiptarë do ta ndjekin me interes të madh ecurinë e këtij operacioni të merkatos.

Flaka