Al-Hilal mbyll derën për Ronaldon: “Nuk ka logjikë të sjellim simbolin e rivalit”

Botuar nga Drin Zenku 17 Qershor, 2025 13:10

Drejtori ekzekutiv i Al-Hilal, Esteve Calzada, ka hedhur poshtë zërat për një huazim të mundshëm të Cristiano Ronaldos në klubin e Riyadhit për Kupën e Botës për Klube. Në një intervistë për BBC Sport, Calzada i cilësoi këto raportime si “absurde” dhe theksoi se lëvizje të tilla nuk kanë vend në filozofinë e klubit.

“Respektojmë Ronaldon si një legjendë të futbollit, por nuk do të kishte asnjë kuptim të marrim përkohësisht për 3-4 javë simbolin e rivalit tonë më të madh, Al-Nassr. Kjo do të ishte kundër logjikës sportive dhe ekonomike. Nëse mendon vetëm për këtë turne, rrezikon të marrësh një vendim që të kushton për dy ose tre vite,” deklaroi ai.

Al-Hilal, që tashmë drejtohet nga Simone Inzaghi, nuk ka realizuar goditje të mëdha në këtë merkato, duke ruajtur strukturën e ekipit ekzistues për turneun në SHBA. Calzada vlerësoi grupin aktual, duke shtuar se përforcimet do të vijnë pas turneut.

Në prag të përballjes me Real Madridin, Calzada komentoi edhe për lojtarët e përfolur si Bruno Fernandes, Darwin Núñez dhe Victor Osimhen. Ai theksoi se Al-Hilal ka ambicie të mëdha, por është gjithashtu i kujdesshëm financiarisht: “Nuk printojmë para. Nuk tërhiqemi nga negociatat, por duam lojtarë që të duan të vijnë.”

Për sa i përket Neymar-it, Calzada nuk shfaqi keqardhje për transferimin rekord që u mbyll shpejt për shkak të një dëmtimi të rëndë: “Ai ndihmoi në rritjen globale të klubit. Kemi 42 milionë ndjekës dhe shumë prej tyre qëndruan edhe pas largimit të tij.”

Flaka

Botuar nga Drin Zenku 17 Qershor, 2025 13:10

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.