Fetau: Nuk jemi patericë e Ali Ahmetit – Panduri: Po atëherë jeni patericë e Mickoskit të Vuçiqit?

Botuar nga Flaka 18 Qershor, 2025 23:17 Përditësuar

Zëvendëskryeministri Arben Fetau, i ftuar në emisionin “Debat Plus” në RTV Dukagjini, ka hedhur kritika të drejtpërdrejta ndaj liderit të BDI-së, Ali Ahmeti, duke deklaruar se ai mbështetet në “shumë paterica politike”.

“Ali Ahmeti ka shumë paterica të tij. Ne nuk kemi pranuar të jemi patericë e askujt, aq më pak e Ali Ahmetit,” – u shpreh Fetau gjatë debatit.

Por kjo deklaratë hasi në reagimin e menjëhershëm të gazetarit Ermal Panduri, i cili ngriti një pyetje provokuese në lidhje me bashkëqeverisjen e koalicionit VLEN me VMRO-DPMNE-në:

“Po atëherë, çfarë është më mirë: të jesh patericë e Ali Ahmetit, apo të jesh patericë e Hristijan Mickoskit, i cili është njeri i Vuçiqit?”

Pyetja e Pandurit i vuri në pozitë të ndërlikuar përfaqësuesin e VLEN-it, duke reflektuar pikëpyetjet që kanë dalë në opinionin publik lidhur me orientimin dhe ndikimin politik të qeverisë së re të udhëhequr nga VMRO-DPMNE.

Ky shkëmbim replikash shton edhe më tej tensionet në skenën politike shqiptare në Maqedoninë e Veriut, ku loja e aleancave vazhdon të jetë në qendër të debatit.

Panduri i drejtohet Fetait: Nuk jemi këtu për thashetheme, nuk ke fakte!

Zëvendëskryeministri Arben Fetau, i ftuar sonte në emisionin “Debat Plus” në RTV Dukagjini, ka bërë deklarata të forta ndaj Bashkimit Demokratik për Integrim (BDI), duke e akuzuar se ka qenë pjesë e shumë skenarëve të errëta në të kaluarën, transmeton Flaka Media

Fetau përmendi konkretisht rastet e njohura dhe të ndjeshme si “Monstra”, “Kumanova” dhe “Alfa”, duke aluduar për involvim të strukturave politike të BDI-së në këto ngjarje që kanë tronditur opinionin publik shqiptar në Maqedoninë e Veriut.

“BDI-ja është pjesë e shumë skenarëve. Nga rasti ‘Monstra’, ‘Kumanova’ e deri te rasti ‘Alfa’. Të gjithë i dimë këto,” – tha Fetau.

Mirëpo, deklaratat e tij hasën në reagimin e menjëhershëm të gazetarit Ermal Panduri, i cili e vuri në dyshim seriozitetin dhe bazën e këtyre pretendimeve.

“Kjo që thoni është thjesht thashetheme. Nuk keni asnjë fakt konkret, as vendim gjyqësor, as dokument. Si vjen në emision për të folur thashetheme pa pasur prova për asnjë nga këto raste?”, reagoi Panduri.

Përballja mes gazetarit dhe zëvendëskryeministrit u zhvillua në një atmosferë të tensionuar, duke nxjerrë në pah ndasitë e thella politike dhe mungesën e transparencës në shumë çështje kyçe që ende rëndojnë ndërgjegjen publike. Flaka Media

Botuar nga Flaka 18 Qershor, 2025 23:17 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.