Fronti Evropian – Fronti Kombëtar: Zgjedhjet e Tetorit – Referendum popullor!

Botuar nga Flaka 19 Qershor, 2025 23:22 Përditësuar

Zgjedhjet lokale të Tetorit në Maqedoninë e Veriut po marrin formën e një referendumi politik dhe kombëtar, ku sipas përfaqësuesve të Frontit Evropian dhe Frontit Kombëtar, qytetarët shqiptarë do të vendosin mes dy drejtimesh: rrugës drejt barazisë dhe integrimit në BE, apo margjinalizimit dhe izolimit nën ndikimin e nacionalizmit maqedonas.

Pas mbledhjes së zhvilluar në selinë e Bashkimit Demokratik për Integrim (BDI) në Reçicë të Madhe, partia deklaroi se është zhvilluar një debat thelbësor për sfidat që i presin shqiptarët. “A do të mbrojmë vlerat e barazisë, dinjitetin institucional të komunitetit shqiptar dhe perspektivën evropiane, apo do të normalizojmë poshtërimin, margjinalizimin dhe izolimin?”, thuhet në deklaratën e BDI-së.

Kryesia e BDI-së ka vendosur njëzëri mbështetjen e plotë për Ali Ahmetin, për të intensifikuar përpjekjet për unifikimin e forcave progresive, si në Frontin Evropian ashtu edhe në Frontin Kombëtar, me synimin e fitores së madhe të përbashkët.

Pas mbledhjeje së zhvilluar në selinë qendrore të Bashkimit Demokratik për Integrim – BDI, Bujar Osmani, ka dhënë një porosi të qartë përmes një postimi në Facebook: “Bashkë!”

Mbledhja kishte për qëllim koordinimin për zgjedhjet lokale të Tetorit, me synimin për të dalë në një front të përbashkët shqiptar, përfshirë partitë e tjera që janë pjesë e Frontit Evropian dhe Aleancën për Shqiptarët të udhëhequr nga Arben Taravari.

Ky është një sinjal i qartë për bashkimin e spektrit politik shqiptar në zgjedhjet vendore, si vazhdimësi e angazhimit për forcimin e përfaqësimit dhe unitetit politik.

Në vijim priten edhe takime të tjera koordinuese për konkretizimin e marrëveshjeve parazgjedhore në nivel komunal.

Ndërkohë, deputeti i Frontit për Europë dhe kryetar i Partisë Popullit, Skender Rexhepi, duke komentuar zgjedhjet lokale dhe përfoljen për një mbështetje të mundshme të VLEN-it nga ana e Hristijan Mickoskit, u shpreh se shqiptarët tashmë janë vetëdijësuar dhe nuk do të lejojnë nënçmim politik.

“Shqiptarët nuk mund t’i kapësh për veshi, nuk mund t’ua vendosësh Stoilkoviqin mbi kokë dhe aq më pak t’i nënçmosh dhe degradosh,” theksoi Rexhepi.

Në të njëjtën linjë, Blerim Bexheti, deputet dhe funksionar i lartë i BDI-së, ka reaguar ndaj zërave për gjoja pakënaqësi brenda strukturave të partisë në Saraj. Në një deklaratë për media, ai theksoi rolin qendror dhe të pazëvendësueshëm të Ali Ahmetit.

“Ali Ahmeti është themeluesi i vizionit politik shqiptar në Maqedoni. Në çdo periudhë vendimtare, ai është ai që udhëheq, udhëzon dhe vendos,” tha Bexheti, duke i cilësuar spekulimet për tensione të brendshme si të pavërteta dhe të motivuara politikisht.

Ai shtoi se çdo vendim strategjik në BDI është i pandashëm nga vizioni i liderit historik, duke e përshkruar Ahmetin si busullën politike të shqiptarëve dhe garancinë e qëndrueshmërisë. Flaka Media

Botuar nga Flaka 19 Qershor, 2025 23:22 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.