Referendum – Front Kombëtar pretendon të fiton në 17 komuna shqiptare
Botuar nga Flaka
Mediat rapurtuan sot se kreu i BDI-së, Ali Ahmeti dhe dy liderët e ASH-së, Arben Tavarari dhe Ziadin Sela kanë arritur marrëveshje për ndarjen e komunave për të garuar bashkërisht në zgjedhjet lokale të vjeshtës, edhe pse, ende nuk ka një komunikim zyrtar.
Marrëveshja parashikon kandidatë të përbashkët dhe lista të përbashkëta në të gjitha komunat, me synimin për një fitore absolute të Frontit Europian.
Sipas marrëveshjes së pretenduar, BDI do të ketë kandidatët në Tetovë, Çair, Kërçovë, Bogovinë, Bervenicë, Zhelinë, Studeniçan, Likovë, Dollnen dhe Çashkë (10 komuna), ASH – Sela në Strugë, Dibër dhe Haraçinë (3 komuna) dhe ASH – Taravari në Gostivar, Vrapçisht, Saraj dhe Tearcë (4 komuna).
Rina Ajdari nga BDI thotë se mbrëmë partia vendosi që të dalë në zgjedhje lokale si Front Europian, respektivisht edhe si, siç e quajnë nga BDI, Front Kombëtar. Ajdari konfirmoi se ka bisedime edhe me Arben Taravarin, por që sipas saj, ende nuk dihet se si janë ndarë komunat mes koalicioneve.
“Do të dalim me lista të përbashkëta, çështja e ndarjes së komunave është çështje që diskutohet, në momentin që do të ketë një vendim konkret, unë ebsoj që edhe kryetari Ali Ahmeti edhe zëdhënësat e partisë do të dalin me një konkluzë, me një përfundimi, që do të jetë për të gjithë opinionin.
E pyetur për “riemërimin” e koalicionit, Ajdari tha se Front Kombëtar, Front Europian, është i njëjti qëllim dhe unë besoj që vetëm në këtë formë do të mund t’i bëjmë ballë politikave shkatërruese, denigruese të qeverisë.
Janë shtatëmbëdhjetë komuna që Fronti Kombëtar tenton të shënon fitore, me thirrjen tashmë të njohur për një referendum gjithëpopullor kundrejt politikave përjashtuese të VMRO-DPMNE ndaj shqiptarëve. Flaka Media
Botuar nga Flaka
TË fundit
