Zenku në RTSH: Diaspora shqiptare po trajtohet vetëm si burim ekonomik

Në emisionin “Ura” në Radio Televizionin Shqiptar (RTSH), i moderuar nga gazetari Artur Bejzade, u zhvillua një debat i gjerë mbi pozitën dhe sfidat me të cilat përballet diaspora shqiptare. Në këtë edicion të dedikuar mërgatës shqiptare kudo në botë, të ftuar ishin lideri i Aleancës për Shqiptarët, Ziadin Sela, kryeredaktori i Flaka Media Group, Driton Zenku, dhe përfaqësuesi i “Albanian Union” nga Londra, Adem Marku.

Fokusi i diskutimit ishte gjendja e diasporës shqiptare, veçanërisht asaj nga Maqedonia e Veriut, dhe mënyra se si ajo trajtohet nga institucionet shtetërore.

Kryeredaktori i Agjencisë së Lajmeve Flaka, Driton Zenku, theksoi se diaspora shqiptare përballet me padrejtësi të thella institucionale, duke u trajtuar jo si pjesë përbërëse e shoqërisë, por si një mjet ekonomik që shfrytëzohet për remitenca.

“Mërgata shqiptare në Maqedoninë e Veriut është e rëndësishme vetëm në aspektin material, duke mbushur buxhetin e shtetit me të ardhurat e tyre të kursyera nga puna në perëndim,” – tha Zenku.
“Por shteti nuk tregon asnjë kujdes tjetër për këtë kategori kaq të rëndësishme të shoqërisë,” – shtoi ai.

Zenku e cilësoi diasporën shqiptare si “të pashpirtësuar institucionalisht”, duke theksuar se trajtimi i saj nga autoritetet shtetërore është minimal dhe i reduktuar në funksion të përfitimeve financiare që sjell për buxhetin e vendit.

Përveç aspektit ekonomik, Zenku ka folur edhe më herët për mënyrën si diaspora është përjashtuar nga proceset vendimmarrëse, përmes mekanizmave si fshirja nga listat e popullsisë rezidente, vështirësitë në votim dhe mungesa e adresave të banimit në regjistrime.

Debati në RTSH ngjalli interes të madh në mesin e opinionit publik dhe komuniteteve të diasporës, të cilat gjithnjë e më shumë kërkojnë rol real dhe përfaqësim të denjë në jetën politike dhe institucionale të vendit. Flaka Media

11

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•