Prokuroria nis hetimet për legalizimet në Çair – dy procedura penale ndaj Visar Ganiut

Botuar nga Flaka 29 Qershor, 2025 23:38 Përditësuar

Qyteti i Shkupit ka njoftuar sot se Prokuroria Themelore Publike ka nisur procedurë hetimore lidhur me parregullsitë e raportuara në procesin e legalizimit të ndërtesave në komunën e Çairit.

Sipas pres-shërbimit të Qytetit të Shkupit, pas kallëzimit të parë penal për falsifikim dokumentesh, janë hapur edhe dy procedura të tjera kundër kryetarit aktual të komunës, Visar Ganiu.

“Prokuroria themelore publike ka nisur procedurën pas denoncimit të parë për falsifikime. Tashmë ka edhe dy procedura të mëhershme ndaj Visar Ganiut – njëra për falsifikim të tërë librit arkivor të kërkesave për legalizim, dhe tjetra për një rast tjetër ku legalizimi është bërë në mënyrë joligjore me një bashkëpunëtor tjetër”, thuhet në njoftim.

Qyteti i Shkupit i ka bërë thirrje edhe Prokurorisë për Ndjekje të Krimit të Organizuar dhe Korrupsionit që të përfshihet në rastin e Çairit, duke e cilësuar atë si një “bandë të organizuar kriminale” që, sipas tyre, ka lejuar ndërtime të paligjshme me fonde të dyshimta.

“Presim që Prokuroria për krimin e organizuar dhe korrupsionin të veprojë kundër bandës kriminale në Çair që ka ndërtuar objekte të pasigurta me para të zeza, të regjistruara në emër të personave që kinse kanë ndërtuar ndër vite, por sot janë milionerë!”, thuhet më tej në deklaratën e shpërndarë nga pres-shërbimi i qytetit.

Ky zhvillim vjen në vazhdën e përplasjeve të vazhdueshme ndërmjet Kryetares së Qytetit të Shkupit, Danella Arsovska, dhe udhëheqësve të komunës së Çairit, ku shpeshherë janë ngritur akuza për krim urbanistik dhe korrupsion në ndërtimet në këtë komunë me shumicë shqiptare.

Botuar nga Flaka 29 Qershor, 2025 23:38 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.