Stuhia rrezikon Realin dhe Juven: Ndeshja në Miami mund të shtyhet

Botuar nga Drin Zenku 1 Korrik, 2025 17:30

Ndeshja e raundit të 16-të të Kupës së Botës për Klube mes Real Madridit dhe Juventusit, e cila është planifikuar të luhet sonte në orën 21:00 (sipas orës lokale), në Miami, është në rrezik për shkak të kushteve të pafavorshme atmosferike.

Sipas Shërbimit Meteorologjik Kombëtar të SHBA-së, në zonën e Miamit priten reshje të dendura shiu dhe stuhi me bubullima mes orës 14:00 dhe 15:00, me mundësi që moti i keq të përshkallëzohet gjatë fillimit të ndeshjes në stadiumin Hard Rock.

Organizatorët e turneut kanë paralajmëruar se janë të gatshëm për çdo skenar dhe do të veprojnë sipas protokolleve të rrepta të sigurisë, të ngjashme me ato të MLS apo NFL. Këto parashikojnë një ndërprerje minimale prej 30 minutash në rast se zbulohet një rrufe brenda një rrezeje prej 13 kilometrash nga stadiumi. Çdo rrufe shtesë e regjistruar shton edhe 30 minuta të tjera pezullim të ndeshjes.

Ky rrezik i stuhive sjell kujtime nga përballja e fundit mes Chelseat dhe Benficës, e cila u ndërpre për gati dy orë për shkak të motit ekstrem.

Zhvillimet do të ndiqen në kohë reale dhe çdo vendim për shtyrje apo anulim do të merret në koordinim të plotë me autoritetet lokale dhe Federatën Ndërkombëtare të Futbollit.

Flaka

Botuar nga Drin Zenku 1 Korrik, 2025 17:30

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.