Deputeti Rexhepi: Mbrojtja e të drejtave të mërgatës shqiptare është çështje dinjiteti dhe ekzistence
Botuar nga Flaka
Deputeti i Partisë Populli dhe Frontit Evopian , Skender Rexhepi – Zejdi, njofton për takimin e zhvilluar sot me ambasadorin e Republikës së Shqipërisë në Shkup, z. Denion Meidani. Gjatë bisedës u trajtuan tema të rëndësishme që prekin komunitetin shqiptar në Maqedoninë e Veriut.
Rexhepi informoi ambasadorin për arritjen e një suksesi të rëndësishëm në mbrojtjen e dinjitetit dhe të drejtave të mërgatës shqiptare, duke parandaluar ndarjen e mërgatës në kategori “rezident” dhe “jo-rezident”. Ai shpjegoi se kjo ndarje, e propozuar nga qeveria e kaluar, edhe pse formale, mund të kishte pasoja negative për regjistrimin e saktë dhe përfaqësimin e shqiptarëve.
“Një veprim që nga qeveria e kaluar jashtë ndarjes formale nuk kishte impakt negativ në të drejtat e mërgatës në shoqëri, por me qeverinë e re veçse rrezikonte të cenonte numrin real të shqiptarëve të evidentuar në regjistrimin e fundit,” theksoi Rexhepi.
Deputeti theksoi shqetësimin për përpjekjet e qeverisë aktuale për të zvogëluar përfaqësimin shqiptar dhe të drejtat e fituara me shumë mund dhe sakrificë.
“Vazhdojmë të mbrojmë me këmbëngulje çdo të drejtë të fituar, sepse për ne statistikat nuk janë vetëm numra, por dinjitet dhe ekzistencë!” përfundoi Rexhepi.
Ky takim nënvizon angazhimin e BDI-së dhe përfaqësuesve të saj në mbrojtjen e interesave të komunitetit shqiptar dhe forcimin e bashkëpunimit me shtetin amë, Shqipërinë.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
