Digjitalizimi dhe përfshirja financiare në fokusin e bashkëpunimit të ri me Bankën Botërore
Botuar nga Flaka
Si institucion përgjegjës për stabilitetin çmimor dhe financiar, Banka Popullore e Maqedonisë së Veriut luan një rol kyç në krijimin e kushteve për zhvillim të qëndrueshëm ekonomik, shkruan Flaka. Përmes një politike monetare të pavarur, të parashikueshme dhe të përgjegjshme, si dhe përmes mbështetjes së reformave strukturore, Banka Popullore kontribuon drejtpërdrejt në ndërtimin e një mjedisi ekonomik stabil.
Në këtë kontekst, sot është zhvilluar takimi i parë zyrtar mes guvernatorit të Bankës Popullore, Dr. Trajko Slaveski, dhe drejtoreshës së sapoemëruar të Zyrës së Bankës Botërore për Maqedoninë e Veriut dhe Kosovën, Karol Mezevan.
Gjatë takimit u diskutuan mundësitë për thellimin e bashkëpunimit me Bankën Botërore, një partner i rëndësishëm në mbështetjen e politikave kombëtare dhe zhvillimit institucional.
Guvernatori Slaveski i uroi suksese drejtoreshës Mezevan në funksionin e saj të ri dhe shprehu kënaqësinë për bashkëpunimin e deritanishëm produktiv me Bankën Botërore, e cila përmes projekteve për ndihmë teknike, analizave dhe rekomandimeve kontribuon në forcimin e kapaciteteve institucionale dhe përparimin e reformave kryesore.
Në fokus të veçantë ishin transformimi digjital i sektorit financiar, përfshirja më e gjerë financiare, zhvillimi i tregjeve të kapitalit dhe rritja e qëndrueshmërisë së sistemit financiar ndaj goditjeve globale.
Palët theksuan se Banka Popullore do të mbetet e hapur për bashkëpunim të mëtejshëm në të gjitha fushat ku mbështetja e Bankës Botërore mund të kontribuojë për forcimin e stabilitetit makroekonomik dhe përparimin ekonomik të vendit.
Guvernatori dhe drejtoresha u pajtuan se ndërtimi i institucioneve të forta dhe bashkëpunimi ndërkombëtar janë elemente thelbësore për përballimin e sfidave të mjedisit ekonomik global. Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
