Denion Meidani në qendër të sulmeve në TikTok – BDI dhe ASH në mbrojtje të ambasadorit shqiptar

Botuar nga Flaka 21 Korrik, 2025 17:46

Një valë reagimesh të ashpra politike ka shpërthyer pas linçimit publik të ambasadorit shqiptar në Maqedoninë e Veriut, Denion Meidani, në rrjetet sociale, veçanërisht në TikTok, ku disa faqe po e shpallin “tradhtar të kombit”.

Fushata u përforcua pas disa lëvizjeve diplomatike dhe politike në rajon, të cilat u komentuan gjerësisht në opinion publik. Një nga faqet më aktive në këtë linçim është ajo me emrin “Ndërgjegja”, e cila sipas burimeve operative, dyshohet se menaxhohet nga persona të afërt me koalicionin opozitar VLEN. Kjo faqe, si dhe të ngjashme me të, akuzohet për promovim të figurave politike të VLEN-it dhe sulme të vazhdueshme ndaj oponentëve të tyre.

Reagimi i parë politik erdhi nga Faton Ahmeti, sekretar i përgjithshëm i BDI-së, i cili publikisht deklaroi:

“U pengon Edi Rama dhe Denion Meidani, mirëpo me entuziazëm promovojnë donacionin nga Serbia. Turpi ka emër!”

Ahmeti nënkuptoi një hipokrizi të theksuar në qëndrimet e partive opozitare, të cilat, sipas tij, kritikojnë Tiranën por përqafojnë me lehtësi ndihma dhe marrëveshje me Serbinë.

Në të njëjtën linjë kritike, por me theks në pasojat gjeopolitike dhe etike, reagoi edhe Blerand Ramadani, sekretar gjeneral i Aleancës për Shqiptarët (ASH), parti pjesë e koalicionit VLEN. Ai theksoi:

“Nuk është politikë të fyesh Tiranën ndërsa i shtrëngon dorën Beogradit për interesa të ngushta. Është farsë që rrezikon të ardhmen euroatlantike të vendit dhe dinjitetin tonë kolektiv.”

Polemikat vijnë në një moment të ndjeshëm politik. Megjithëse deri më tani nuk ka një reagim zyrtar nga Ambasada e Shqipërisë në Shkup apo nga vetë ambasadori Meidani, fushata kundër tij dhe përplasjet ndërpartiake pritet të jenë pjesë e debatit të ashpër publik në ditët në vijim. Flaka

Botuar nga Flaka 21 Korrik, 2025 17:46

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.