Si po ndihmon inteligjenca artificiale kuzhinat të shmangin shpërdorimin e ushqimit
Shpërdorimi i ushqimit nuk është vetëm një kosto financiare për furnizuesit, por edhe një barrë e rëndë për planetin. Kompania e menaxhimit të mbeturinave ushqimore Winnow ka zhvilluar një sistem inteligjence artificiale që ndihmon kuzhinat komerciale të reduktojnë ndjeshëm mbeturinat.
Sipas të dhënave të Winnow, mjetet e saj të IA-së kanë kursyer 61,000 ton CO2 deri më tani – ekuivalente me 36,5 milion vakte me vlerë 42 milionë euro. Teknologjia funksionon mbi parimin “Çfarë matet, menaxhohet”, duke mbledhur dhe analizuar të dhëna për të ndihmuar shefat të përshtatin porositë dhe të shmangin hedhjen e ushqimit.
Sistemi Winnow Vision përdor kamera dhe peshore dixhitale për të regjistruar peshën, llojin dhe vlerën e ushqimit të hedhur, ndërsa të dhënat ruhen në cloud dhe analizohen për të optimizuar proceset. Me këtë metodë, kuzhinat mund të reduktojnë mbeturinat deri në 50%.
Shembuj të suksesit përfshijnë Hilton Hotels në Lindjen e Mesme, Afrikë dhe Turqi, ku mbeturinat janë ulur me rreth 600,000 vakte vetëm në rajon. Përveç kursimeve financiare, kjo teknologji kontribuon ndjeshëm në qëndrueshmërinë mjedisore.
Flaka
















