Uji i ftohtë apo i ambientit? Ja çfarë thonë ekspertët për shëndetin
Botuar nga Drin Zenku
Uji është thelbësor për jetën dhe shëndetin e njeriut. Ai ndihmon në tretjen e ushqimit, transportin e lëndëve ushqyese në qeliza dhe rregullimin e temperaturës së trupit. Si përbërës kryesor i muskujve dhe organeve, hidratimi i duhur është i domosdoshëm për funksionimin normal të organizmit.
Sipas të dhënave të AgroWeb.org, mënyra se si e konsumojmë ujin – në temperaturë ambienti apo të ftohtë – ka ndikime të ndryshme në trup.
Përfitimet e ujit në temperaturë ambienti
- Përmirëson tretjen dhe aktivizon sistemin tretës në mëngjes.
- Ndihmon në detoksifikimin e trupit dhe pastrimin e lëkurës.
- Lehtëson frymëmarrjen duke pastruar traktin respirator.
- Rrit qarkullimin e gjakut dhe ndihmon në uljen e dhimbjeve të trupit.
Përfitimet e ujit të ftohtë
- Ul temperaturën e trupit pas aktivitetit fizik.
- Lufton lodhjen nga vapa dhe freskon më shpejt.
- Nxit metabolizmin dhe ndihmon në djegien e kalorive, duke kontribuar në humbjen e peshës.
Cili është më i mirë?
Ekspertët theksojnë se uji në temperaturë ambienti është më i shëndetshëm për përdorim të përditshëm, pasi rrit qarkullimin e gjakut dhe mbron organet. Megjithatë, në ditët e nxehta ose pas stërvitjes, uji i ftohtë është më i përshtatshëm për të ulur temperaturën e trupit.
Këshilla:
- Mos pini ujë të ftohtë menjëherë pas ngrënies, pasi ngadalëson tretjen.
- Pas stërvitjes, preferoni ujin e ftohtë për të rikthyer temperaturën normale të trupit.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
