Valdet Xhaferi: Shorti më dha sërish numrin 4, si në vitin 2014 kur shkruam histori

Botuar nga Flaka 24 Shtator, 2025 16:44 Përditësuar

Kryetari i degës së BDI-së në Gostivar dhe bartësi i listës për këshilltarë komunalë i Aleancës Kombëtare për Integrim (AKI), Valdet Xhaferi, ka ndarë emocionin e tij pas tërheqjes së shortit në Komisionin Shtetëror të Zgjedhjeve.

“Çfarë ndjenje! Në vitin 2014, si përfaqësues i BDI-së, në shortin e KSHZ-së më ra numri rendor 4. Dhe ato zgjedhje sollën një fitore historike me 153 mijë vota, më shumë se çdo parti tjetër shqiptare ndonjëherë!”, u shpreh Xhaferi.

Ai shtoi se historia po përsëritet edhe këtë vit.

“Sot, 11 vite më vonë, sërish si përfaqësues i Aleancës Kombëtare për Integrim, shorti më dha numrin 4. Një shenjë, një emocion dhe një besim i fortë se edhe këtë herë – AKI do të tejkalojë 150.000 vota dhe do të shkruajmë përsëri histori!”, theksoi ai.

“Na qoftë mbarë dhe me hair”, përfundoi Valdet Xhaferi.

Në këtë kontekst politik, numri 4 ka simbolikë të dyfishtë për Valdet Xhaferin dhe AKI-në:

Kujtesë historike – Në vitin 2014, kur BDI hyri në zgjedhje me numrin 4 në fletëvotim, partia arriti rezultatin më të madh ndonjëherë për një subjekt shqiptar në Maqedoninë e Veriut: 153 mijë vota. Kjo e ka ngulitur “4-shin” si numër të fitores së madhe.
Rikthim i historisë – Tani, pas 11 vitesh, AKI merr sërish numrin 4 në shortin e KSHZ-së. Për Xhaferin dhe përkrahësit e tij, kjo shihet si një paralajmërim simbolik se historia e vitit 2014 mund të përsëritet.

Në kulturën popullore shqiptare, “numri i njëjtë që kthehet” shihet shpesh si shenjë e fatit ose e bekimit – prandaj Xhaferi e interpreton si ogur të mirë dhe fton elektoratin të besojë se 4-shi do të sjellë edhe këtë herë fitore të madhe. Flaka Media

Botuar nga Flaka 24 Shtator, 2025 16:44 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.