Osmani: VMRO-DPMNE pa dashje e zbuloi të vërtetën për epërsinë e BDI-së ndaj VLEN-it

Botuar nga Flaka 27 Shtator, 2025 14:07

Anketa e publikuar nga “Marker Vision”, e shpërndarë nga deputeti i VMRO-DPMNE-së, Nikola Micevski, vetëm sa e konfirmoi të vërtetën që me javë e muaj po përpiqen ta fshehin, se BDI ka një epërsi bindëse ndaj koalicionit VLEN, pothuajse më shumë se dy me një.

Këtë, siç theksoi kandidati për kryetar të Çairit, Bujar Osmani, në përgjigje të një pyetjeje nga gazetarët, është dëshmi se përparësia e BDI-së tashmë nuk mund të fshihet.

“Që në mëngjes pati debate të ndryshme se çfarë mesazhi donte të jepte. Ndoshta në përpjekje për të promovuar rezultatet e veta, por harroi se po shpall një të vërtetë që prej javësh e muajsh përpiqen ta mbulojnë, e ndoshta tashmë nuk munden. Një e vërtetë se për shqiptarët këto zgjedhje po shndërrohen në një vendimmarrje plebishitare”, deklaroi Osmani.

Ai shtoi se, ndonëse VMRO-DPMNE u përpoq ta përdorë anketën për të promovuar rezultatet e saj, në të vërtetë zbuloi realitetin në bllokun politik shqiptar. Megjithatë, siç theksoi Osmani, epërsia e BDI-së ndaj VLEN-it është edhe më e madhe.

“Hendeku është madje më i thellë se dy me një. Aktualisht, sipas të gjitha anketave tona, është tre me një, dhe është e qartë se në këto zgjedhje qytetarët do të vendosin në mënyrë plebishitare”, nënvizoi Osmani.

BDI mbetet opsioni më i fuqishëm politik i shqiptarëve, me një epërsi të qëndrueshme dhe në rritje, të cilën qytetarët në zgjedhje do ta konfirmojnë me vullnetin e tyre, përfundoi Osmani.

Botuar nga Flaka 27 Shtator, 2025 14:07

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.