Meta forcon mbrojtjen e adoleshentëve: llogari të reja të detyrueshme në Facebook dhe Messenger
Botuar nga Drin Zenku
Meta ka nisur zyrtarisht kalimin e të gjithë adoleshentëve që përdorin Facebook dhe Messenger në llogari të reja të dizajnuara posaçërisht për ta, duke ofruar më shumë masa sigurie dhe mundësi mbikëqyrjeje nga prindërit.
Kompania thekson se tashmë “qindra miliona” adoleshentë janë aktivë në platformat e saj, përfshirë Instagram, Facebook dhe Messenger. Llogaritë e posaçme për adoleshentët u prezantuan fillimisht në Instagram një vit më parë, ndërsa në fillim të këtij viti u shtrinë edhe në Facebook dhe Messenger në SHBA, Kanada, Mbretërinë e Bashkuar dhe Australi. Tani, ato po bëhen të detyrueshme për adoleshentët në mbarë botën.
Çfarë sjellin llogaritë e reja për adoleshentët?
- Cilësime më të forta privatësie dhe sigurie.
- Kufizim i ndërveprimeve me të rritur të panjohur.
- Mbikëqyrje prindërore mbi kohën e kaluar para ekranit dhe kontaktet.
- Leje prindërore e detyrueshme për adoleshentët 13–15 vjeç për ndryshime në siguri.
- Përdorim i inteligjencës artificiale për të identifikuar përdorues që japin moshë të pasaktë.
Paralelisht, Instagram po zgjeron programin e partneritetit me shkollat në SHBA, duke u dhënë institucioneve arsimore mundësinë të raportojnë më shpejt rastet e ngacmimit dhe sjelljeve problematike. Meta thotë se reagimet nga shkollat pjesëmarrëse kanë qenë pozitive dhe programi tashmë është i hapur për të gjitha shkollat amerikane.
Ky hap shihet si një përpjekje e rëndësishme për të adresuar shqetësimet mbi sigurinë e të rinjve në rrjetet sociale dhe për të ofruar më shumë qetësi për prindërit.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
