Bujar Osmani: Energjia e re ndihet në Çair, qytetarët kërkojnë ndryshim

Botuar nga Flaka 30 Shtator, 2025 22:37

Kandidati për kryetar të Komunës së Çairit, Bujar Osmani, ka vlerësuar se tubimet e fundit publike dhe pjesëmarrja masive pasqyrojnë një energji të re që po mbizotëron në këtë komunë dhe që përçon një mesazh të qartë për nevojën e ndryshimit.

Osmani tha se mesazhi që e ka dëgjuar gjatë takimeve derë më derë dhe në ngjarjet publike është i njëjtë: banorët kërkojnë dinjitet dhe një cilësi më të mirë të jetës.

“Po ndodh diçka e pazakontë. Një lloj mobilizimi që nuk është tipikisht partiak. Kanë ardhur njerëz që na kanë thënë, dhe atë në numër shumë të madh: vitin e kaluar kemi votuar për ata, por kemi gabuar. Tani duam ta mbështesim kauzën tuaj. Kanë ardhur edhe njerëz të papërcaktuar, të cilët më thanë: ne kurrë nuk kemi votuar, kurrë nuk kemi dalë në zgjedhje, kemi qenë apolitikë. Por kësaj here nuk duhet të heshtim. Kjo është një energji që vlon,” tha Osmani.

Ai theksoi se ky mobilizim i qytetarëve, pa marrë parasysh përkatësinë e tyre etnike apo politike, është dëshmi e një dëshire të fuqishme për dinjitet dhe për një kulturë të re politike në Çair.

“Që nga dita e parë kam thënë: nuk hyra në këtë garë për ta udhëhequr komunën, por për ta kanalizuar këtë energji të zemërimit, të revoltës që e dëgjoj nga çdo njeri që e kam takuar. Kam takuar mijëra njerëz gjatë këtyre tre muajve të fushatës. Dhe ata flasin për dinjitetin tonë kombëtar që na është marrë dhe poshtëruar, por flasin edhe për dinjitetin e jetës në Çair,” theksoi ai.

Në fund, kandidati i opozitës theksoi se “ndryshimi historik” tashmë ka filluar, ndërsa energjia e re që demonstrojnë qytetarët do të jetë forca shtytëse për një Çair më të mirë.

Botuar nga Flaka 30 Shtator, 2025 22:37

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.