Gjermani: Grua nga Ballkani gjobitet 50 euro për tharje rrobash në ballkon
Botuar nga Drin Zenku
Një ngjarje e pazakontë në Gjermani ka bërë xhiron e rrjeteve sociale, pasi një grua me origjinë nga Ballkani është gjobitur me 50 euro për shkak se kishte tharë rrobat në ballkonin e saj.
Rasti u bë publik nga vetë gruaja në grupin e Facebook-ut “Balkanci in Germany”, ku ajo tregoi se kishte marrë një paralajmërim zyrtar për “mosrespektim të rregullave të banesës”.
“S’po e di më nëse më lejohet të bëj ndonjë gjë në këtë vend! Ishte ditë me diell, i lava rrobat, i vendosa në ballkon të thaheshin. Fqinja sipër filloi të bërtiste se ‘i duken keq kur i sheh poshtë’. Mendova se po bënte shaka, por tre ditë më vonë më erdhi letra me gjobën dhe paralajmërimin”, – shkroi ajo me ironi.
Në shpjegimin e autoriteteve thuhej se “në ndërtesën përkatëse nuk lejohet që rrobat të shihen nga jashtë”. Gruaja reagoi me humor duke pyetur:
“Po ku t’i thaj atëherë, në frigorifer?”
Ngjarja është bërë virale në rrjetet sociale, duke shkaktuar reagime të shumta mes përdoruesve, ku shumë prej tyre e kanë cilësuar gjobën si absurde dhe shembull të rregullave tepër të rrepta në Gjermani.
Flaka
Botuar nga Drin Zenku
TË fundit
