Taravari: Me rezultatet e djeshme, a fituan shqiptarët? – Koha do të tregojë!

Botuar nga Flaka 3 Nëntor, 2025 14:40

Kryetari i Aleancës Kombëtare për Integrim (AKI), Arben Taravari, ka reaguar pas përfundimit të raundit të dytë të zgjedhjeve lokale, duke falënderuar qytetarët dhe votuesit e koalicionit për përkrahjen, por edhe duke bërë një analizë të ftohtë të rezultateve.

“Të dashur qytetarë, të dashur votues të koalicionit AKI, dje në raundin e dytë të votimeve morëm një përgjigje të qartë nga rezultatet. Faleminderit të gjithëve!”, shkruan Taravari.

Ai ka përgëzuar kandidatët e AKI-së për garën e ndershme dhe dinjitoze, duke uruar edhe kundërshtarët politikë që dolën fitues në komunat e tyre.

“Ne si koalicion kemi më shumë vota popullore, por nuk kemi kryetarë. Qartazi, përzgjedhja e disa kandidatëve duhej të ishte menduar më mirë në disa komuna. Gjithsesi, në Gostivar dhe Vrapçisht qëlluam në shenjë – aty jemi fitues, dhe kjo fitore nuk është thjesht lokale, sepse aty fituam kundër një shteti që na mban peng me census”, thekson ai.

Taravari shton se momentet paszgjedhore janë të mbushura me emocione, por kërkon qartësi dhe reflektim.

“Këto janë çaste gëzimi për fituesit, çaste të vështira për ata që nuk ia dolën, çaste zemërimi për ata që u tradhëtuan, e çaste qesharake për disa Don Kishotë që janë me grupin fitues vetëm sepse tradhëtuan. Por shumica sot është nën emocion – dhe emocioni nuk lejon qartësi.”

Në fund të reagimit, ai ngre një pyetje që, sipas tij, koha do ta përgjigjet shumë shpejt:

“Me rezultatet e djeshme, a fituan shqiptarët?! Edhe për ata që nuk e dinë përgjigjen, koha do ta tregojë, fatkeqësisht shumë shpejt.” Gazeta Flaka

Botuar nga Flaka 3 Nëntor, 2025 14:40

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.