Pensionistët para Gjykatës Kushtetuese kërkuan rritje lineare të pensioneve

Botuar nga Flaka 1 Dhjetor, 2025 14:12

Pensionistë nga i gjithë vendi, të cilët kërkojnë rritje lineare të pensioneve, u tubuan sot para Gjykatës Kushtetuese në Shkup, duke kërkuar që përllogaritja e pensioneve të vazhdojë në mënyrë lineare.

Zoran Trajkov, kryetar i këshillit inicues të grupit të pensionistëve, tha se qeveritarët duhet të pyeten “se ku e kanë ndërgjegjen për pensionistët me pensione të vogla”. Ai theksoi se kjo është një luftë për bukë dhe ilaçe dhe se zëri i pensionistëve duhet dëgjuar:
“Lufta jonë është për të gjithë pensionistët, jo kundër pushtetit. Maqedonia duhet të jetë e bashkuar. Mjaft me ndarje. Zëri ynë do të dëgjohet”, tha Trajkov.

Trajkov paralajmëroi se protesta nuk do të mbetet vetëm para Gjykatës Kushtetuese, por do të vazhdojë më 10 dhjetor para Zyrës së Bashkimit Evropian.

Ai theksoi se rritja aktuale e pensioneve në mënyrë procentuale nuk është e mjaftueshme, pasi hendeku mes pensionit më të madh dhe atij më të vogël është rritur nga 1:4 në 1:7. Pensionistët kërkojnë që të gjithë të trajtohen në mënyrë të drejtë dhe jo të ndahen sipas shumës së pensionit.

Pensionistët me pensione minimale thonë se janë viktima të tranzicionit dhe mungesës së kontributeve, prandaj kërkojnë harmonizim linear të pensioneve, rritjen e K-15 nga 35.000 në 50.000 denarë pas vdekjes, si dhe vendosjen e kartelës pensioniste.
Vitin e kaluar dhe në mars të këtij viti, pensionistët patën rritje lineare prej 2.500 denarë, ndërsa këtë vit në shtator morën edhe 1.000 denarë. Në mars të vitit të ardhshëm pritet një harmonizim i ri linear për 1.000 denarë.

Gjykata Kushtetuese ka iniciuar procedurë për vlerësimin e kushtetutshmërisë së nenit 2 nga Ligji për ndryshimin dhe plotësimin e Ligjit për sigurimin pensional dhe invalidor, i cili parashikon rritjen lineare të pensioneve.

Botuar nga Flaka 1 Dhjetor, 2025 14:12

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.