Kontrolle për përdorimin e pakontrolluar dhe të paligjshëm të mjeteve piroteknike

Botuar nga Flaka 7 Dhjetor, 2025 16:34

Ministria e Punëve të Brendshme ka nisur kontrollet e shtuara në terren në prag të festave të fund vitit, me qëllim parandalimin e shitblerjes së kundërligjshme të mjeteve piroteknike. Ndihmësministri i Punëve të Brendshme, Muhamed Ismaili, theksoi se këto aktivitete po zhvillohen paralelisht me fushatat sensibilizuese për siguri gjatë festimeve. Sipas Ismailit, MPB në bashkëpunim me institucionet shëndetësore ka filluar fushatën “Pa fishekzjarrë për festa më të sigurta”, e cila synon të rrisë vetëdijen qytetare se festat mund të shijohen edhe pa mjete të rrezikshme piroteknike.

”Në bazë të planeve operative si çdo vit edhe këtë vit, para festave po veprohet në terren për të parandaluar personat të cilët mundohen të shesin në mënyrë të kundërligjshme dhe të merren me shitblerjen e fishekzjarrëve dhe mjeteve piroteknike”, tha Muhamed Ismaili – Ndihmësministër i Punëve të Brendshme.

Sipas Ismailit, policia ka intensifikuar veprimet në terren për të parandaluar individët që tentojnë të shesin në mënyrë të paligjshme fishekzjarrë dhe mjete të tjera piroteknike.

“Mund të them se në dy javët e kaluara ka pasur dhjetëra raste ku kanë qenë persona të implikuar me këto vepra nga të cilat janë tre vepra penale dhe kemi 1560 mjete piroteknike të konfiskuara dhe 201 fishek apo municione gjuetie të kapura”, shtoi ai.

Ismaili u bëri thirrje qytetarëve që të shmangin përdorimin e mjeteve piroteknike para dhe gjatë festave, me qellim që mbrojmë kategoritë që janë më të ndjeshme, njofton Alsat.mk, transmeton Gazeta Flaka.

Botuar nga Flaka 7 Dhjetor, 2025 16:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.