Davkova e dekoroi gjeneral-majorin amerikan Gregory Knight, me urdhrin për merita ushtarake

Botuar nga Flaka 9 Dhjetor, 2025 22:48

Presidentja Gordana Siljanovska-Davkova sot, në një ceremoni solemne, dekoroi gjeneral-majorin Gregory Knight, komandant i Gardës Kombëtare të Vermontit, me urdhrin për merita ushtarake. Gjenerali Knight e merr këtë dekoratë të lartë të Maqedonisë për kontributin e tij të veçantë në bashkëpunimin ushtarak dhe në thellimin e miqësisë maqedono-amerikane.

Duke ia dorëzuar urdhrin, presidentja Siljanovska-Davkova theksoi se lidershipi dhe përkushtimi i gjeneral-majorit amerikan Knight kanë ndihmuar në krijimin e shumë gjeneratave të oficerëve, nënoficerëve dhe ushtarëve maqedonas të trajnuar në mënyrë të shkëlqyer.

“Garda Kombëtare e Vermontit prej tri dekadash i mbështet forcat ushtarake maqedonase, si partner i kualifikuar, i përvojshëm dhe i përkushtuar në stërvitje, por edhe si aleat i besueshëm në rrugën drejt paqes, stabilitetit dhe demokracisë. Kjo dekoratë shtetërore nuk është vetëm shprehje falënderimi për punën e tij të palodhshme e të vlefshme, por edhe respekt për vlerat që ai i përfaqëson: dinjitetin, integritetin, besueshmërinë, disiplinën, guximin, empatinë dhe moralin”, thuhet në njoftimin e presidencës.

Gjeneral-major Gregory Knight, në ceremoni theksoi se urdhri u takon mijëra ushtarëve të Gardës Kombëtare të Vermontit, të cilët kanë qenë të përfshirë në bashkëpunimin 35-vjeçar.

“Ky partneritet është pa dyshim pjesa më e rëndësishme e karrierës sime ushtarake prej gati 43 vjet e gjysmë. Në Maqedoni vij prej gati 25 vitesh — përvoja dhe udhëtimet kanë qenë të jashtëzakonshme. Miqësitë që kam krijuar këtu për mua janë vërtet të sinqerta dhe të thella”, theksoi gjeneral-major Knight.

Para ceremonisë, presidentja dhe gjenerali zhvilluan një takim në të cilin u pajtuan se mbështetja nga Vermonti ishte kyçe në përgatitjen e vendit për anëtarësim në NATO, duke përmbushur standardet e Aleancës dhe duke përmirësuar ndërveprueshmërinë me forcat e tjera të NATO-s.(portalb)

Botuar nga Flaka 9 Dhjetor, 2025 22:48

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.