Hetim në Mavrovë: Aeroplani me regjistrim amerikan bie në liqen, dy kosovarë të lënduar

Botuar nga Flaka 12 Dhjetor, 2025 22:41 Përditësuar

Komiteti për hetimin e aksidenteve ajrore dhe incidenteve të rënda (KHAAIR) ka filluar hetimin pas rrëzimit të aeroplanit sportiv sot në Liqenin e Mavrovës.

Kryetari i KHAAIR-së, Marjan Përposki, për MIA-n deklaroi se ekuipazhi i aeroplanit nuk është në rrezik për jetën.

Përposki tha se sot në orën 12:30 kanë marrë infomacion se një aeroplan i vogël sportiv i tipit Pajper 28 ka ateruar në Liqenin e Mavrovës.

“Ekipi i KHAAIR-it menjëherë doli në terren dhe filloi me hetimet. Aeroplani është në pronësi private dhe ka regjistrim amerikan, ndërsa ekuipazhi i aeroplanit nuk është në rrezik për jetën”, deklaroi Përposki dhe paralajmëroi se do të ketë më shumë informacione nga hetimi në ditët e ardhshme.

Më parë, nga SPB Tetovë informuan se dy persona me lëndime të pësuara dërgohen në spitalin e Gostivarit gjatë rrëzimit të një aeroplani të vogël sportiv në ujërat e Liqenit të Mavrovës.

Sipas zëdhënësit, Fatmir Rexhepi, sot në orën 12:35 në SPB Tetovë – DPB Gostivar është raportuar se në liqenin e Mavrovës, në afërsi të digës “Kanali Beliçki”, ka rënë një aeroplan i vogël sportiv.

“Sipas raportit, nga aeroplani në tokë kanë arritur të dalin dy shtetas të Kosovës, XH.P. (41 vjeç) dhe D.M. (64 vjeç), i cili e ka drejtuar aeroplanin. Ata kanë marrë lëndime dhe janë dërguar në Qendrën Mjekësore më Gostivar për ndihmë të parë”, deklaroi zëdhënësi Fatmir Rexhepi.

Nëpunësit policor nga Departamenti Policor Mavrovë menjëherë kanë dalë në vend dhe në bisedë me ta D.M. ka thënë se për shkak të problemit me motorin ai zbriti në liqen, afër digës.

Lajmi u lexua: _ _ 7 256

Botuar nga Flaka 12 Dhjetor, 2025 22:41 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.