LSDM reagon ashpër për lirimin me kusht të Katica Janevës: Po përgatitet skenar politik për zgjedhjet e ardhshme

Botuar nga Flaka 15 Dhjetor, 2025 18:26

Lajmi u lexua: _ _ 7 176

Gjykata Penale ka konfirmuar sot zyrtarisht se ish-kryeprokurorja speciale, Katica Janeva, është liruar me kusht nga burgu, vendim që ka nxitur reagime të forta politike nga LSDM-ja.

Sipas njoftimit, lirimi me kusht i Janevës do të hyjë në fuqi më 21 dhjetor 2025 dhe do të zgjasë deri më 21 gusht 2026. Nga dënimi i përgjithshëm prej shtatë vitesh burg, ajo përfiton tetë muaj lirim me kusht.

Nga LSDM-ja vlerësojnë se ky vendim nuk është i rastësishëm dhe se, sipas tyre, përputhet me një strategji të përgatitur nga VMRO-DPMNE për përdorim politik të këtij rasti. Ata theksojnë se koha e lirimit lidhet drejtpërdrejt me krizat aktuale në vend, përfshirë akuzat për korrupsion, tenderë të manipuluar dhe pakënaqësinë e qytetarëve për shkak të problemeve ekonomike.

“Kjo periudhë, nga tani deri në verën e vitit të ardhshëm, e konfirmon plotësisht skenarin që kemi paralajmëruar. Qeveria po përballet me presion të madh për shkak të skandaleve të korrupsionit, mungesës së mjeteve për paga dhe pensione dhe temës së emigrantëve për para, e cila është shndërruar në çështje kombëtare”, thuhet në reagimin e LSDM-së.

Sipas kësaj partie, synimi është që deri në zgjedhjet e planifikuara vitin e ardhshëm, rasti i Janevës të shfrytëzohet për fushatë negative dhe sulme politike ndaj LSDM-së, përmes, siç thonë ata, lajmeve të rreme, presionit ndaj mediave dhe manipulimeve publike.

LSDM-ja akuzon qeverinë se po humb kontrollin mbi situatën në vend dhe se për këtë arsye po intensifikon, sipas tyre, sulmet politike duke zbatuar modele të njohura nga rajoni.

“Bëhet fjalë për strategji mediatike ‘copy-paste’, me metoda dhe narrativa të njëjta, me qëllim shpërqendrimin nga problemet reale dhe goditjen e opozitës”, theksojnë nga LSDM-ja opozitare. Gazeta Flaka

Botuar nga Flaka 15 Dhjetor, 2025 18:26

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.