Aksidenti tragjik në Shkup: Një e vdekur, kallëzime penale dhe arrestime
Botuar nga Flaka
Policia e Shkupit ka ngritur kallëzim penal kundër katër personave në lidhje me aksidentin e ndodhur më 11:30 të djeshmë në rrugën “Fronti Popullor” në Shkup, ku një automjet “Volkswagen Passat” goditi këmbësoren 79-vjeçare L.J., e cila vdiq si pasojë e plagëve, ndërsa drejtuesi i automjetit u largua nga vendi i ngjarjes.
Pas marrjes së njoftimit, policia ndërmori veprime për gjetjen e automjetit dhe shoferit. Me anë të kamerave të sistemit “Qytet i Sigurt” dhe dëshmive të qytetarëve, u konstatua se automjeti ishte pronë e B.S. (45) nga Shkupi dhe drejtohej nga i biri i tij, S.S. (18). Automjeti u gjet pranë shtëpisë së pronarit, ndërsa S.S. (69) u shoqërua në stacion policor për intervistë.
U konstatua se S.S. (18) dhe B.S. (45), me ndihmën e dy personave të tjerë, Sh.P. (45) dhe A.J. (53), kishin lënë vendin gjatë ditës së djeshme. Sh.P. dhe A.J. janë arrestuar dhe kundër tyre është ngritur kallëzim penal për “ndihmë ndaj kryerësit të veprës penale” sipas nenit 365 paragrafi 2 lidhur me nenet 300 dhe 301 të Kodit Penal.
Ndërkohë, kundër shoferit S.S. (18) është ngritur kallëzim penal për “vepra të rënda kundër sigurisë së njerëzve dhe pronës në trafikun rrugor” sipas nenit 300 paragrafi 2 në lidhje me nenin 297 paragrafi 1, si dhe për “mosdhënien e ndihmës për personin e lënduar” sipas nenit 301 paragrafi 2 lidhur me nenin 300 paragrafi 2. Kundër B.S. dhe S.S. janë lëshuar urdhër-arreste, ndërsa automjeti “Volkswagen Passat” dhe automjeti “Mercedes” me të cilin ata u larguan nga shteti janë sekuestruar dhe është informuar Prokuroria për veprime të mëtejshme. Gazeta Flaka
Botuar nga Flaka
TË fundit
