Nivel i lartë uji në kaskadën e Drinit, shkarkimet në Vaun e Dejës minimalizojnë rrezikun

Botuar nga Drin Zenku 11 Janar, 2026 16:22

Vijojnë të mbeten të larta prurjet në kaskadën e Drinit, teksa Korporata Elektroenergjetike Shqiptare (KESH) monitoron me kujdes nivelin e ujit në hidrocentrale. Sipas të dhënave zyrtare, prurjet natyrore në kaskadë arrijnë 2200 metra kub ujë në sekondë, nga të cilat 1500 metra kub ujë përfundojnë vetëm në ujëmbledhësin e Fierzës.

Në HEC-in e Fierzës, niveli i ujit ka arritur 292.4 metra mbi nivelin e detit, vetëm 6 metra larg pikës maksimale të kapacitetit. Në të njëjtën kohë, niveli i ujit në Koman është 172 metra, ndërsa në Vaun e Dejës është 74 metra mbi nivelin e detit.

Shkarkimi fundor nga HEC-i i Vaut të Dejës është 1400 metra kub në sekondë, nga të cilat 900 metra kub janë shkarkim, ndërsa 500 metra kub vijnë nga prodhimi i energjisë. Autoritetet bëjnë të ditur se aktualisht po shkarkohet rreth 60% e prurjeve ujore në kaskadë, një masë kjo që minimizon rrezikun e përmbytjeve në zonën e nën-Shkodrës.

KESH konfirmon se situata është nën monitorim të vazhdueshëm dhe se të gjitha masat për të menaxhuar prurjet dhe për të garantuar sigurinë e banorëve janë në fuqi.

Flaka

Botuar nga Drin Zenku 11 Janar, 2026 16:22

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.