Arbeloa: Akademia e Real Madridit është më e mira në botë
Botuar nga Drin Zenku
Ish-mbrojtësi i Real Madridit dhe trajneri aktual i Real Madrid, Álvaro Arbeloa, ka vlerësuar maksimalisht sistemin e të rinjve të klubit madrilen, duke e cilësuar atë si më të mirin në botë.
Në një prononcim për mediat, Arbeloa theksoi se akademia e Real Madridit, e njohur si “La Fábrica”, ka prodhuar ndër vite lojtarë që sot aktivizohen në kampionate të ndryshme anembanë globit.
“Lojtarët e ‘La Fábrica’-s mund t’i shohësh kudo në botë dhe ne jemi krenarë për këtë. Është akademia më e mirë në botë”, u shpreh Arbeloa.
Ai shtoi gjithashtu se të rinjtë që stërviten aktualisht në akademi janë të vetëdijshëm se do të kenë mundësi reale për të depërtuar në ekipet e para, veçanërisht nën drejtimin e tij si trajner.
“Lojtarët e rinj këtu e dinë se do të kenë shanse. Është një mundësi e madhe për ta nën drejtimin tim si trajner i ri”, përfundoi Arbeloa.
Deklaratat e tij vijnë në një moment kur Real Madridi vazhdon të investojë fuqishëm në zhvillimin e talenteve, duke e bërë akademinë një nga shtyllat kryesore të suksesit afatgjatë të klubit.
Flaka
Botuar nga Drin Zenku
TË fundit
Provimi i jurisprudencës dhe gjuha shqipe – një test për ligjin dhe përgjegjësinë institucionale
