Barrot: Siguria e Arktikut është e pandashme nga siguria evropiane
Botuar nga Drin Zenku
Ministri i Jashtëm i Francës, Jean-Noël Barrot, deklaroi sot se siguria e Arktikut është e pandashme nga siguria evropiane, duke theksuar se Bashkimi Evropian ka një përgjegjësi strategjike për Grenlandën, në një kohë kur Shtetet e Bashkuara po shfaqin interes të shtuar për territorin autonom danez.
Gjatë një konference për shtyp me homologun e tij letonez në Riga, Barrot nënvizoi se Franca qëndron në solidaritet të plotë me Danimarkën:
“Ne e mbështesim Danimarkën dhe presim të njëjtën mbështetje nëse do të ishim në një situatë të ngjashme.”
Deklaratat vijnë në një klimë të tensionuar transatlantike brenda NATO-s, pas sinjaleve të përsëritura nga Uashingtoni për marrjen e kontrollit mbi Grenlandën. Vendimet e vendeve evropiane përforcojnë prezencën ushtarake në ishull, pas Danimarkës që dërgoi dy avionë transporti për trupa.
Barrot njoftoi se Franca do të dërgojë burime shtesë në ditët në vijim, duke theksuar se Grenlanda është një territor evropian nën mbrojtjen e NATO-s:
“NATO dhe aleatët e saj janë plotësisht të aftë të mbrojnë territorin e tyre nga çdo kërcënim, pavarësisht nga origjina e tij.”
Ministri francez kujtoi gjithashtu vizitën e tij në Grenlandë më 31 gusht, ku kishte marrë pjesë në aktivitete të përbashkëta me Marinën Suedeze dhe autoritetet lokale, duke forcuar bashkëpunimin ushtarak dhe strategjik në rajon.
Flaka
Botuar nga Drin Zenku
TË fundit
Provimi i jurisprudencës dhe gjuha shqipe – një test për ligjin dhe përgjegjësinë institucionale
