Trupa evropiane zbarkojnë në Groenlandë pas dështimit të bisedimeve SHBA–Danimarkë–Grenlandë

Botuar nga Flaka 15 Janar, 2026 23:09

Personeli ushtarak nga disa vende evropiane ka nisur të mbërrijë në Groenlandë, vetëm disa orë pasi një takim në Uashington mes përfaqësuesve të Shteteve të Bashkuara, Danimarkës dhe Grenlandës përfundoi pa marrëveshje. Ministri i Jashtëm danez e cilësoi situatën si një “mosmarrëveshje themelore” rreth të ardhmes dhe rolit strategjik të ishullit arktik, i pasur me burime minerale.

Franca, Suedia, Gjermania dhe Norvegjia kanë bërë të ditur se do të dërgojnë personel ushtarak në kryeqytetin grenlandez, Nuuk, në kuadër të një misioni zbulimi dhe vlerësimi të sigurisë. Sipas Berlinit zyrtar, iniciativa synon të analizojë opsionet për forcimin e sigurisë në rajon, në kontekstin e rritjes së interesit dhe pranisë së Rusisë dhe Kinës në Arktik.

Ministria e Mbrojtjes e Gjermanisë njoftoi se 13 trupa të Bundeswehr do të dislokohen në Nuuk, me ftesë të Danimarkës, duke theksuar se bëhet fjalë për një mision të përbashkët të disa vendeve evropiane anëtare të NATO-s.

Ndërkohë, presidenti francez Emmanuel Macron deklaroi se Franca do të rrisë praninë e saj ushtarake në Groenlandë, duke dërguar forca tokësore, ajrore dhe detare që do t’i bashkohen stërvitjeve ushtarake në zhvillim.

Procesit i janë bashkuar edhe Holanda dhe Estonia. Ministri i Jashtëm holandez, Ruben Brekelmans, vlerësoi se pjesëmarrja e tyre është një sinjal i qartë se siguria e Groenlandës dhe e gjithë rajonit arktik përbën një çështje me rëndësi strategjike për të gjithë aleatët e NATO-s. Gazeta Flaka

Botuar nga Flaka 15 Janar, 2026 23:09

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.