Shqipëria do paguajë 1 miliardë euro për bordin, Rama: Gënjeshtër!
Botuar nga Flaka
Kryeministri Edi Rama ka reaguar me tone të ashpra ndaj debateve të fundit lidhur me përfshirjen e Shqipërisë në “Bordin e Paqes” të propozuar nga Presidenti Donald Trump. Përmes një deklarate publike, në rrjetin “X”, kreu i qeverisë i ka cilësuar si “gënjeshtra” lajmet se Shqipëria do të paguajë 1 miliard dollarë për të qenë pjesë e këtij bordi dhe se do të strehojë refugjatët palestinezë.
“E vërteta është shumë e thjeshtë se sa ç’pjell, sidomos në çdo rast kur nderohet Shqipëria, mllefi i injorancës dhe inati i ligësisë: Tenxheret politike e mediatike të mexhelisit tonë janë teneqera të zhurshmshme Shqipërisë së vjetër, ndërsa kjo që po vazhdojmë të ndërtojmë me shumë mund e këmbëngulje të madhe është një Shqipëri Tjetër, e dinjitetshme ndërkombëtarisht dhe e respektuar botërisht”.
Në mbyllje të reagimit të tij, kreu i qeverisë tha se rëndësi ka vetëm besimi i marrë nga shqiptarët.
“Sa për mua personalisht, rëndësi ka vetëm besimi i shumicës së shqiptarëve, që më kanë ngjitur e mbajtur katër herë në majën e shtetit shqiptar, dhe respekti i atyre që janë në majat e botës a të Europës, i cili më duhet mbi të gjitha për të nderuar e lartësuar Shqipërinë. Ky është një moment i jashtëzakonshëm i Shqipërisë, ku tërbimi i tenxhereve thjesht na siguron se sa më shumë lehin qentë, aq më përpara është duke shkuar karvani”.
Ky reagim vjen në një kohë kur Bloomberg ka publikuar detaje nga draft-statuti i administratës Trump për “Bordi i Paqes”, i cili përmban kushte shumë specifike financiare dhe administrative.
Klan News
Botuar nga Flaka
TË fundit
