Si të kuptohet dorëheqja e zëvendësministrit të Arsimit, Lulzim Aliu?

Botuar nga Flaka 19 Janar, 2026 14:59

Zëvendësministri i Arsimit dhe Shkencës, Lulzim Aliu, ka dhënë dorëheqje nga funksioni i tij. Lajmin e ka bërë të ditur vetë Aliu përmes një postimi publik, ku njofton se dorëheqjen ia ka dorëzuar kryetarit të Qeverisë së Republikës së Maqedonisë së Veriut, Hristijan Mickoski.

“Sot e përmbyll një kapitull të punës sime në detyrën e Zëvendësit të Ministrit në Ministrinë e Arsimit dhe Shkencës”, ka shkruar Aliu, duke theksuar se kjo dorëheqje shënon përfundimin e mandatit të tij në këtë pozitë.

Në postimin e tij, Aliu ka falënderuar Partinë Alternativa për besimin dhe mbështetjen që i është dhënë për ushtrimin e kësaj detyre, për herë të dytë. Ai ka shprehur mirënjohje edhe ndaj kryetarit aktual të Alternativës, Bekim Sali, si dhe ndaj kryetarëve paraprakë të kësaj partie, Afrim Gashi dhe Zeqirija Ibrahimi.

Po ashtu, Aliu ka falënderuar familjarët dhe miqtë e tij për përkrahjen gjatë angazhimit të tij institucional.
Dorëheqja e Lulzim Aliut vjen në një periudhë të ndjeshme për sektorin e arsimit dhe shkencës, ndërsa ende nuk ka informacione zyrtare lidhur me arsyet konkrete të këtij vendimi, apo për emrin e pasardhësit të tij në këtë funksion.

Botuar nga Flaka 19 Janar, 2026 14:59

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.