BDI bllokon ligjin për “Safe City”: e quan antikushtetues dhe të dëmshëm për qytetarët

Botuar nga Flaka 23 Janar, 2026 13:33

Bashkimi Demokratik për Integrim nuk do ta mbështesë sot propozim-ligjin për ndryshimin dhe plotësimin e Ligjit për Kundërvajtje, i cili është parakusht për nisjen e sistemit “Safe City” nga 1 shkurti.

Koordinatorja e grupit parlamentar të Frontit Evropian, Rina Ajdari, deklaroi për TV21 se vendimi është marrë për shkak të dyshimeve serioze kushtetuese dhe mungesës së garancive konkrete që vërejtjet e opozitës do të inkorporohen në ligj.

Sipas Ajdarit, ligji është problematik sepse parashikon zbatim selektiv, vetëm në një pjesë të territorit të Maqedonisë së Veriut, çka e bën atë diskriminues dhe në kundërshtim me Kushtetutën. Ajo shtoi se, pavarësisht premtimeve nga VMRO-DPMNE dhe Ministria e Punëve të Brendshme, ndryshimet e kërkuara nga Fronti Evropian nuk janë reflektuar në tekstin ligjor.

“Situata ishte e paqartë dhe e mjegullt. Për këtë arsye vendosëm që të mos e mbështesim ligjin. Në këtë formë, projekti ‘Safe City’ është realisht i dëmshëm për qytetarët”, tha Ajdari.

Ligji kërkon shumicë prej dy të tretash për t’u miratuar në Kuvend. Më herët, edhe LSDM ka paralajmëruar se nuk do të votojë ndryshimet, duke vënë në pikëpyetje fatin e funksionalizimit të sistemit “Safe City”. Gazeta Flaka

Botuar nga Flaka 23 Janar, 2026 13:33

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.