Rejtingu BB- nuk është sukses: “stabiliteti” i S&P tregon ngecje, jo përparim

Analiza Flaka

Standard & Poor’s ka konfirmuar për vitin 2026 rejtingun kreditor të Maqedonisë së Veriut në nivelin BB- me perspektivë stabile, pa asnjë përmirësim. Qeveria e paraqet këtë si sinjal pozitiv, por realisht ky vlerësim konfirmon stagnimin institucional dhe ekonomik.

BB- është niveli i parë jo-investues (speculative/junk), që e rendit vendin mes ekonomive me rrezik të lartë, përkrah Xhamajkës, El Salvadorit, Paraguait, Republikës Dominikane apo Bosnje-Hercegovinës. Kjo nënkupton huamarrje më të shtrenjtë, akses të kufizuar në kapital serioz dhe interes të ulët nga investitorë afatgjatë. Perspektiva “stable” do të thotë vetëm se nuk pritet përkeqësim i menjëhershëm — jo përmirësim.

Ministria e Financave deklaroi se S&P vlerëson përpjekjet për projekte infrastrukturore, forcim institucional, përmirësim të ambientit të biznesit dhe rritje pagash e pensionesh. Por vetë agjencia thekson qartë se vetëm përparimi real në sundimin e ligjit dhe luftën kundër korrupsionit mund të sjellë rritje të rejtingut — pra, këto reforma ende mungojnë.

Transparency International tregon përkeqësim relativ të perceptimit të korrupsionit, ndërsa S&P përmend edhe bllokadën europiane, veçanërisht kontestin me Bullgarinë, si faktor që rëndon perspektivën ekonomike.

Infrastrukturë pa institucione nuk sjell zhvillim. Pa gjyqësor funksional, siguri juridike dhe luftë reale kundër korrupsionit, planet mbeten në letër.

BB- nuk është shpërblim për politika të suksesshme — është reflektim i reformave të papërfunduara. Derisa sundimi i ligjit të bëhet realitet, “stabiliteti” do të mbetet vetëm term teknik, jo dëshmi progresi.

188

SONDAZHI

 Si e vlerësoni punën e ministrit Fatmir Limani?

Shumë mirë

Mirë

Aspak mirë

• 
• 
• 
• 
• 
• 
•