Sa hapa në ditë mjaftojnë për të qëndruar të shëndetshëm?

Shifra “10,000 hapa në ditë” është bërë prej vitesh një standard i pashkruar për stilin e jetesës së shëndetshëm, e përmendur shpesh nga orët inteligjente, aplikacionet e fitnesit dhe këshillat e trajnerëve. Por studimet shkencore tregojnë se përfitimet për trupin mund të fillojnë shumë më herët.

Hulumtimet e fundit tregojnë se edhe 6,000–7,000 hapa në ditë mund të ulin ndjeshëm rrezikun e sëmundjeve kardiovaskulare, diabetit dhe vdekshmërisë së parakohshme, veçanërisht te personat mbi 40 vjeç. Ekspertët sqarojnë se numri 10,000 nuk ka origjinë mjekësore, por buron nga një fushatë marketingu në Japoni në vitet ’60 për pedometrin “Manpo-kei”, që do të thotë “matësi i 10 mijë hapave”.

Mjekët theksojnë se më e rëndësishme se numri i saktë i hapave është lëvizja e përditshme dhe intensiteti i saj. Ecja e shpejtë, ngjitja e shkallëve, aktivitetet aerobike dhe ushtrimet e forcës kontribuojnë drejtpërdrejt në shëndetin e zemrës, muskujve dhe metabolizmit.

Pra, 10,000 hapa nuk janë një “magji”, por një objektiv motivues. Edhe më pak se kaq mund të sjellin përfitime të mëdha, për sa kohë aktiviteti fizik bëhet pjesë e rutinës së përditshme.

Flaka

188

SONDAZHI

 Si e vlerësoni punën e ministrit Fatmir Limani?

Shumë mirë

Mirë

Aspak mirë

• 
• 
• 
• 
• 
• 
•