ASH: Skandal në Komunën e Tetovës: 370 punëtorë pa paga, paguhen militantët e BESËS

Botuar nga Flaka 26 Janar, 2026 13:15

Aleanca për Shqiptarët – Dega Tetovë ka reaguar ashpër ndaj asaj që e cilëson si skandal të rëndë financiar dhe administrativ në Komunën e Tetovës, duke akuzuar kryetarin Bilall Kasami për pagesa selektive dhe diskriminuese të pagave.

“Sot, më 26 janar, 370 punëtorë të Komunës së Tetovës janë lënë pa paga, në një kohë kur qytetarët po përballen me krizë të thellë ekonomike,” thuhet në kumtesën për opinion të ASH-së.

Sipas këtij subjekti politik, ndërkohë që punëtorët e rregullt mbesin pa të ardhura, po ekzekutohen paga për militantë partiakë të Lëvizjes BESA.

“Pagat po ekzekutohen për militantë partiakë të BESËS, ndërsa punëtorët që mbajnë funksionimin e komunës mbesin pa paga. Ky veprim përbën diskriminim të hapur, keqmenaxhim dhe abuzim me buxhetin publik,” thekson ASH – Dega Tetovë.

Veçanërisht shqetësuese, sipas tyre, është gjendja e zjarrfikësve.

“Rreth 70 zjarrfikës të Brigadës Zjarrfikëse të Tetovës janë gjithashtu pa paga, edhe pse çdo ditë rrezikojnë jetën për sigurinë e qytetarëve,” thuhet më tej në reagim.

Aleanca për Shqiptarët vlerëson se kjo situatë po i shtyn punëtorët drejt borxheve, përmbarimeve dhe kamatave bankare, duke ia atribuar përgjegjësinë drejtpërdrejt kryetarit të komunës.

“Kjo është pasojë e drejtpërdrejtë e paaftësisë dhe papërgjegjësisë së kryetarit Bilall Kasami dhe udhëheqjes komunale,” thuhet në kumtesë.

ASH – Dega Tetovë kërkon pagesë të menjëhershme të pagave për të gjithë punëtorët, ndaljen e pagesave selektive dhe transparencë të plotë për shpenzimin e buxhetit komunal.

“Tetova nuk guxon të qeveriset me standarde partiake dhe klienteliste,” përfundon reagimi. Gazeta Flaka

Botuar nga Flaka 26 Janar, 2026 13:15

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.