Trump nuk shkon në Super Bowl: “Është shumë larg për të udhëtuar”

Botuar nga Drin Zenku 26 Janar, 2026 18:30

Presidenti i Shteteve të Bashkuara të Amerikës, Donald Trump, ka bërë të ditur se nuk do të marrë pjesë në Super Bowl këtë vit, duke theksuar se arsyeja kryesore lidhet me distancën e gjatë të udhëtimit.

Në një intervistë për New York Post, Trump deklaroi se ka marrë disa ftesa për finalen e madhe të futbollit amerikan, por ka vendosur të mos udhëtojë drejt Kalifornisë.
“Është thjesht shumë larg. Do të shkoja. Kam marrë ftesa shumë të mira për Super Bowl, më pëlqejnë ata. Do të shkoja po të ishte pak më afër”, u shpreh ai.

Super Bowl do të zhvillohet më 8 shkurt në stadiumin Levi’s, në San Francisko.

Gjatë mandatit të tij të dytë, Trump ka qenë i pranishëm në disa ngjarje të mëdha sportive, përfshirë ndeshje të UFC-së, finalen e meshkujve në US Open, turneun e golfit Ryder Cup, ndeshjen tradicionale Army–Navy, si dhe një takim të New York Yankees. Megjithatë, finalja më e rëndësishme e futbollit amerikan këtë vit nuk është pjesë e agjendës së tij.

Përveç distancës, Trump ka shprehur edhe pakënaqësi ndaj artistëve që do të performojnë gjatë pushimit mes dy pjesëve të Super Bowl-it, Bad Bunny dhe Green Day, të cilët kanë mbështetur publikisht ish-zëvendëspresidenten Kamala Harris në zgjedhjet presidenciale të vitit 2024.

“Jam kundër tyre. Mendoj se është një zgjedhje e tmerrshme. Gjithçka që bënë është të përhapin urrejtje. E tmerrshme”, ka deklaruar Trump për New York Post.

Më herët, pas njoftimit të artistëve në muajin tetor, Trump kishte thënë për NewsMax se nuk kishte “dëgjuar kurrë” për Bad Bunny-n, pavarësisht popullaritetit të madh të këngëtarit portorikan, i cili ka rreth 84 milionë dëgjues mujorë në platformën Spotify.

Nga ana tjetër, anëtarët e grupit Green Day kanë kritikuar hapur administratën Trump, me këngëtarin Billie Joe Armstrong që e ka quajtur atë “një qeveri fashiste” dhe u ka bërë thirrje fansave të rezistojnë ndaj saj gjatë koncerteve.

Trump ka marrë reagime të përziera gjatë paraqitjeve të tij në ngjarje sportive, duke u përballur si me duartrokitje ashtu edhe me fishkëllima nga publiku. Një faktor tjetër që mund të ketë ndikuar në vendimin e tij për të mos shkuar në Super Bowl është fakti se ai nuk zotëron prona në San Francisko dhe zakonisht shmang qëndrimin në hotele që nuk lidhen me bizneset e tij.

Flaka

Botuar nga Drin Zenku 26 Janar, 2026 18:30

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.