Franca miraton projektligjin për ndalimin e mediave sociale për fëmijët nën 15 vjeç

Botuar nga Drin Zenku 27 Janar, 2026 17:34

Parlamenti francez miratoi mbrëmë një projektligj që synon të ndalojë aksesin në mediat sociale për fëmijët nën moshën 15 vjeç, si masë për mbrojtjen e shëndetit mendor të të miturve. Projektligji gëzon mbështetjen e qeverisë dhe të presidentit Emmanuel Macron, i cili e cilësoi vendimin si “një hap të rëndësishëm”.

“Truri i fëmijëve tanë nuk është në shitje. As në platformat amerikane, as në rrjetet kineze”, deklaroi Macron, duke përshëndetur iniciativën. Projektligji u miratua me 130 vota pro dhe 21 kundër dhe pritet të shqyrtohet nga Senati në javët e ardhshme.

Nëse miratohet përfundimisht, Franca do të bëhej vendi i dytë në botë që vendos një ndalim të tillë, pas Australisë, e cila ndaloi përdorimin e mediave sociale për të miturit nën 16 vjeç në dhjetor. Sipas planit të qeverisë franceze, ndalimi i krijimit të llogarive të reja do të nisë nga shtatori 2026, ndërsa deri më 1 janar 2027 do të vendosen kontrolle të detyrueshme të moshës edhe për llogaritë ekzistuese.

Projektligji parashikon ndalim të qasjes në platformat e mediave sociale për fëmijët nën 15 vjeç, me përjashtim të disa platformave arsimore dhe aplikacioneve të mesazheve private si WhatsApp. Po ashtu, qeveria synon të ndalojë përdorimin e telefonave celularë në shkollat fillore dhe të mesme.

Më herët këtë muaj, Agjencia Kombëtare e Sigurisë Shëndetësore në Francë paralajmëroi se rrjetet sociale si TikTok, Instagram dhe Snapchat po ndikojnë negativisht në shëndetin mendor të adoleshentëve, duke rritur rreziqet e ngacmimit kibernetik dhe ekspozimit ndaj përmbajtjes së dhunshme.

Ndërkohë, shumë vende të tjera po shqyrtojnë masa të ngjashme. Parlamenti Evropian miratoi një propozim jo-detyrues për ndalimin e mediave sociale për të rinjtë nën 16 vjeç, ndërsa Danimarka, Spanja dhe Britania po debatojnë iniciativa kombëtare. Kina dhe Koreja e Jugut kanë vendosur prej vitesh kufizime të rrepta për përdorimin e internetit dhe telefonave nga të miturit.

Flaka

Botuar nga Drin Zenku 27 Janar, 2026 17:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.