Policia e Tetovës godet grup kriminal në Bërvenicë

Policia e Tetovës, në kuadër të aktiviteteve për goditjen e grupeve kriminale, ka zhvilluar mëngjesin e sotëm një aksion në fshatin Bërvenicë, ku ka arrestuar pesë persona të dyshuar për tregti të paligjshme me drogë, armë dhe fajde.

Sipas njoftimit të SPB Tetovë, të arrestuarit janë të moshës 36 deri në 69 vjeç dhe aktualisht po mbahen në stacionin policor të Tetovës. Pas dokumentimit të plotë të rastit, ndaj tyre do të parashtrohen kallëzime përkatëse penale.

Zëdhënësi i SPB Tetovë, Fatmir Rexhepi, bëri të ditur se gjatë bastisjeve të kryera në shtëpitë e të dyshuarve, hapësirat ndihmëse dhe automjetet e tyre, janë gjetur armë të kalibrit të ndryshëm, sasi e madhe municioni, si dhe para të gatshme.

“Gjatë aksionit janë sekuestruar armë, municion, lëndë narkotike, përfshirë substancë pluhur të bardhë që dyshohet të jetë kokainë, peshore digjitale, fletore me emra të ndryshëm, si dhe shuma të konsiderueshme parash në euro, franga zvicerane dhe denarë”, deklaroi Rexhepi.

Sipas burimeve të Alsat, disa nga personat e arrestuar dyshohet se kanë lidhje me struktura të pushtetit lokal në Bërvenicë, çka pritet të hetohet më tej nga organet kompetente.

Hetimet për rastin vazhdojnë, ndërsa policia paralajmëron se aksione të ngjashme kundër krimit të organizuar do të vazhdojnë edhe në periudhën në vijim.

Flaka

188

SONDAZHI

 Si e vlerësoni punën e ministrit Fatmir Limani?

Shumë mirë

Mirë

Aspak mirë

• 
• 
• 
• 
• 
• 
•