Valë rekord të nxehti përfshin Australinë juglindore, shpërthejnë zjarre

Botuar nga Drin Zenku 28 Janar, 2026 18:42

Një valë rekord të nxehti ka përfshirë Australinë juglindore për të pestën ditë radhazi, duke shkaktuar zjarre në shkurre, ndërprerje të mëdha të energjisë elektrike dhe rrezik të shtuar për popullsinë.

Situata është veçanërisht kritike në shtetin e Victorias, i dyti më i populluar në Australi, ku po regjistrohen temperaturat më të larta që nga zjarret shkatërruese të “Së Shtunës së Zezë” në vitin 2009, kur humbën jetën 173 persona, raporton Reuters.

Autoritetet paralajmërojnë se vala e të nxehtit nuk pritet të qetësohet para fundjavës. Paralajmërimet për nxehtësi ekstreme mbeten në fuqi, ndërsa shërbimet emergjente janë në gatishmëri të plotë.

“Jemi tashmë në ditën e pestë të një vale intensive të nxehti në Victoria dhe po shohim pasojat e saj. Presim gjithsej tetë ditë me intensitet të rëndë deri ekstrem,” deklaroi Komisioneri i Emergjencave të Victorias, Tim Wibusch.

Sipas Byrosë Australiane të Meteorologjisë, vala e nxehtësisë lidhet drejtpërdrejt me ndryshimet klimatike. Meteorologu David Croke i përshkroi temperaturat si “shumë të pazakonta” dhe theksoi se intensiteti i kësaj vale është i krahasueshëm me valët e të nxehtit të viteve 2009 dhe 1939.

“Të dhënat tregojnë një rritje afatgjatë të shpeshtësisë dhe intensitetit të valëve të nxehtit, veçanërisht që nga viti 2000, si pasojë e ndryshimeve klimatike,” shtoi Croke.

Gjatë ditës së djeshme, në Victoria u thyen dhjetëra rekorde temperaturash, me rreth 20 stacione meteorologjike që regjistruan vlera rekord absolute ose thyen rekordet e muajit janar.

Flaka

Botuar nga Drin Zenku 28 Janar, 2026 18:42

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.