Tezat anti-UÇK: Ana Profozić aktive në shumë takime publike dhe akademike në Kosovë

Botuar nga Flaka 30 Janar, 2026 07:56

Një skandal i rëndë ka shpërthyer pas publikimit të një audioincizimi, ku dëgjohet zyrtarja e Gjykatës Speciale, Ana Profozić, duke iu ligjëruar nxënësve në Kosovë se Ushtria Çlirimtare e Kosovës dyshohet për krime lufte, përfshirë vrasje, trajtim çnjerëzor dhe tortura ndaj serbëve dhe shqiptarëve, shkruan Gazeta Flaka.

Në incizim, që zgjat rreth një orë, ligjërata e quajtur “informative” paraqitet me tone që ngjasojnë me propagandë, ku shpjegohen dhe përmenden në detaje aktakuzat ndaj ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Përmbajtja e ligjërimit ka nxitur reagime të ashpra, pasi krijon përshtypjen se përgjegjësia për krimet e viteve 1998–1999 në Kosovë i faturohet UÇK-së, ndërsa Serbia paraqitet në plan të dytë ose anashkalohet.

Kjo përfaqësuese e Gjykatës Speciale të Kosovës, ka qenë aktive në shumë aktivitete informative në dy vitet e fundit në Kosovë.

Ana Profozić, zyrtare e Zyrës për Informim dhe Komunikim Publik të Dhomave të Specializuara të Kosovës (Gjykata Speciale), ka zhvilluar një sërë aktivitetesh publike në Kosovë gjatë viteve 2024–2025, me qëllim informimin e qytetarëve për mandatin dhe funksionimin e këtij institucioni me seli në Hagë.

Aktivitetet nisin në shkurt 2024 në Velika Hoçë, ku Profozić mori pjesë në një takim informues me qytetarë, duke prezantuar strukturën e Gjykatës Speciale dhe procedurat bazë të saj.

Në vijim, gjatë vitit 2025, ajo intensifikoi praninë në terren. Në prill 2025, Profozić ishte e pranishme në Shtrpce, ku mbajti një sesion informues për mandatin e gjykatës, të drejtat e viktimave dhe mekanizmat e mbrojtjes së dëshmitarëve. Po në prill, ajo mori pjesë edhe në një diskutim akademik në Kolegjin AAB në Prishtinë, duke u drejtuar studentëve të drejtës mbi kompetencat dhe procedurat e Dhomave të Specializuara.

Në qershor 2025, Profozić mori pjesë në një sesion informues në Zveçan, ku bashkë me zyrtarë të tjerë të Gjykatës Speciale prezantoi rolin e institucionit dhe proceset gjyqësore para komunitetit lokal.

Aktivitetet u mbyllën në nëntor 2025 në Graçanicë, ku ajo ishte pjesë e një takimi publik mbi mandatin dhe funksionimin e Gjykatës Speciale, të organizuar për qytetarë dhe shoqëri civile.

Gjatë gjithë këtyre aktiviteteve, Ana Profozić ka vepruar ekskluzivisht si përfaqësuese për komunikim institucional, pa rol gjyqësor apo vendimmarrës, duke shërbyer si zë informues i Gjykatës Speciale në Kosovë.

Ndryshe, Ana Profozić është funksionare në Gjykatën Speciale të Kosovës (Kosovo Specialist Chambers) në Hagë, e angazhuar në Zyrën e Informimit dhe Komunikimit me Publikun të kësaj gjykate. Ajo nuk është gjyqtare, por figuron si ndihmëse/ përfaqësuese për komunikim institucional, duke marrë pjesë në seanca informative, prezantime dhe diskutime publike mbi funksionimin, strukturën dhe mandatet e Gjykatës Speciale.

Në burimet publike të vitit 2024–2025 ajo është përmendur si përfaqësuese e zyrës së informimit të KSC-së në evente për studentë dhe komunitet (p.sh. diskutime në kolegje dhe sesione informative).

Pra, nuk është një “zyrtare e lartë gjyqësore” apo gjyqtare e Gjykatës Speciale, por një përfaqësuese e zyrës për media/komunikim që prezanton dhe shpjegon punën e institucionit në takime publike. Gazeta Flaka

Botuar nga Flaka 30 Janar, 2026 07:56

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.