Debat i fortë mes Trumpit dhe gazetares së CNN-it për Epstein

Botuar nga Drin Zenku 4 Shkurt, 2026 20:31

Presidenti i Shteteve të Bashkuara, Donald Trump, është përfshirë në një përplasje verbale me gazetaren e CNN-it, Kaitlan Collins, gjatë një konference për media të martën në Zyrën Ovale.

Situata u tensionua pasi Collins e pyeti Trumpin lidhur me dosjet e Jeffrey Epstein, të publikuara së fundmi, dhe konkretisht për shqetësimet e të mbijetuarave të abuzimit seksual se administrata amerikane po “mbulon” emra dhe detaje të rëndësishme nga këto dokumente.

Pyetja e gazetares nxiti një reagim të ashpër nga presidenti amerikan, i cili e sulmoi personalisht Collinsin.

“Je gazetarja më e keqe… A e dini? Ajo është një grua e re. Nuk mendoj se të kam parë ndonjëherë të buzëqeshësh. Të njoh që 10 vjet. A e di pse nuk buzëqesh? Sepse nuk e thua të vërtetën”, ka deklaruar Trump.

Ngjarja ka ndodhur më 3 shkurt, gjatë një ceremonie ku presidenti nënshkroi një projektligj financimi prej 1.2 trilion dollarësh, i cili i dha fund një mbylljeje të pjesshme katër-ditore të qeverisë federale.

Incidenti ka nxitur reagime të shumta në media dhe rrjete sociale, duke rihapur debatin mbi marrëdhëniet e tensionuara të Trumpit me gazetarët dhe lirinë e medias në SHBA.

Flaka

Botuar nga Drin Zenku 4 Shkurt, 2026 20:31

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.