SPB Tetovë: Arrestohet shtetas i Shqipërisë për vjedhje, dy persona të tjerë për sulm fizik
Më 03.02.2026, rreth orës 18:50, në rrugën “Ilinden” në Tetovë, zyrtarë policorë nga SPB Tetovë kanë privuar nga liria personin I.T. (57) nga Republika e Shqipërisë, për shkak të dyshimit se ka kryer veprën penale “vjedhje”, konkretisht se nga një objekt shitjeje ka marrë telefona celularë.
“Më datë 03.02.2026, në ora 18:50 në rrugën ‘Ilinden’ në Tetovë, zyrtarë policorë nga SPB Tetovë kanë privuar nga liria personin I.T. (57) nga Republika e Shqipërisë, për shkak të dyshimit se ka kryer veprën penale ‘vjedhje’, gjegjësisht se nga një objekt shitjeje ka marrë telefona celularë,” njoftojnë nga SPB Tetovë.
Më vonë, rreth orës 23:00, policia ka arrestuar edhe I.G. (40) dhe D.M. (26), të dy nga Tetova, pasi janë denoncuar nga I.T. se e kanë sulmuar fizikisht.
“Në ora 23:00, zyrtarë policorë nga SPB Tetovë kanë privuar nga liria edhe I.G. (40) dhe D.M. (26), të dy nga Tetova, të cilët janë denoncuar nga I.T. se në periudhën prej orës 18:00 deri në 19:00 në rrugën ‘Ilinden’, pas një debati paraprak për telefona celularë, e kanë sulmuar fizikisht,” thuhet në njoftim.
Nga SPB Tetovë bëjnë të ditur se pas dokumentimit të plotë të rasteve, ndaj personave të përfshirë do të parashtrohen kallëzime përkatëse penale. Gazeta Flaka


















