Studimi paralajmëron: Gjumi i pamjaftueshëm lidhet me rrezik më të lartë për sëmundje kronike

Botuar nga Drin Zenku 5 Shkurt, 2026 20:54

Gjumi i dobët jo vetëm që ndikon në cilësinë e jetës, por mund të jetë edhe një sinjal paralajmërues për probleme serioze shëndetësore, tregojnë studimet shkencore.

Një hulumtim i publikuar në revistën PLoS Medicine ka analizuar lidhjen mes gjumit dhe shëndetit te rreth 8,000 nëpunës civilë britanikë. Pjesëmarrësit u pyetën për numrin mesatar të orëve të gjumit, ndërsa disa prej tyre përdorën pajisje për matjen e gjumit.

Gjatë një periudhe ndjekjeje prej 20 vitesh, studiuesit monitoruan shfaqjen e sëmundjeve kronike, përfshirë diabetin, kancerin dhe sëmundjet e zemrës. Rezultatet treguan se personat që flinin pesë orë ose më pak rreth moshës 50 vjeç kishin një rrezik 30 për qind më të lartë për zhvillimin e më shumë sëmundjeve krahasuar me ata që flinin rreth shtatë orë në natë.

Studimi gjithashtu gjeti se gjumi i shkurtër në moshën e mesme lidhej me rrezik më të lartë vdekjeje, kryesisht si pasojë e sëmundjeve kronike. Sipas studiuesve nga University College London dhe Paris Cité University, shumica e ekspertëve rekomandojnë 7 deri në 8 orë gjumë në natë për shëndet optimal.

Pse gjumi është kaq i rëndësishëm?

Shkencëtarët ende nuk e dinë plotësisht pse gjumi është thelbësor, por është e qartë se ai ndihmon trurin të përpunojë kujtimet, përmirëson humorin, përqendrimin dhe metabolizmin, si dhe ndihmon në pastrimin e trurit nga substanca të padëshiruara.

Këshilla për një gjumë më cilësor

Ekspertët sugjerojnë disa hapa praktikë për përmirësimin e gjumit:

Qëndroni aktiv gjatë ditës, por ngadalësoni ritmin në mbrëmje
Shmangni dremitjet gjatë ditës
Vendosni një rutinë të rregullt gjumi
Sigurohuni që dhoma e gjumit të jetë e qetë, e errët dhe me temperaturë të rehatshme
Ulni ose shmangni kafeinën dhe alkoolin para gjumit
Nëse nuk flini dot, çohuni dhe bëni diçka relaksuese, si leximi i një libri

Drejtori i Qendrës së Gjumit në Surrey, Prof. Derk-Jan Dijk, i tha BBC News se studimi konfirmon se gjumi shumë i shkurtër nuk është i shëndetshëm për shumicën e njerëzve. Ai theksoi se gjumi është një faktor i stilit të jetesës që mund të përmirësohet, ndërsa shumë probleme të gjumit mund të zgjidhen pa përdorimin e barnave, të cilat shpesh kanë efekte anësore dhe rrezik varësie.

Flaka

Botuar nga Drin Zenku 5 Shkurt, 2026 20:54

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.