Shqipëria mbi mesataren e BE-së në përdorimin e energjisë së rinovueshme

Shqipëria renditet mbi mesataren e Bashkimit Europian përsa i përket përdorimit të energjisë nga burime të pastra. Sipas të dhënave të Eurostat, 43.1% e energjisë totale të konsumuar në Shqipëri vjen nga burime të rinovueshme, ndërsa mesatarja e BE-së është 25.2%.

Në krye të renditjes në Bashkimin Europian qëndrojnë vendet nordike, të cilat kanë investuar prej vitesh në energjinë e pastër. Suedia kryeson listën me 66%, e ndjekur nga Finlanda me 47%, Letonia me 45%, Danimarka me 44% dhe Estonia me 43% energji të rinovueshme në konsumin total.

Në anën tjetër të renditjes gjenden disa vende të Europës Perëndimore. Irlanda renditet e fundit me vetëm 13%, e ndjekur nga Malta me 14%, Belgjika me 14.5%, Luksemburgu me 15% dhe Holanda me 16% energji nga burime të pastra.

Panorama ndryshon kur flitet vetëm për energjinë elektrike. Në nivel të Bashkimit Europian, 47.5% e energjisë elektrike prodhohet nga burime të rinovueshme. Vende si Austria dhe Suedia afrohen ose kalojnë 90% të prodhimit të energjisë elektrike nga burime të pastra, falë përdorimit të gjerë të hidrocentraleve dhe energjisë së erës.

Bashkimi Europian ka vendosur një objektiv ambicioz: deri në vitin 2030, 42.5% e energjisë totale duhet të vijë nga burime të rinovueshme. Arritja e këtij synimi kërkon investime të mëdha, veçanërisht në sektorët e transportit dhe ngrohjes.

Të dhënat tregojnë se, ndonëse Europa po ecën drejt tranzicionit energjetik, ritmet ndryshojnë ndjeshëm nga një vend në tjetrin. Shqipëria përfiton nga burimet e saj natyrore, kryesisht nga energjia hidrike, por sfida kryesore mbetet diversifikimi i burimeve dhe ulja e varësisë nga karburantet fosile.

Flaka

279

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•