Macron: Evropa duhet të investojë 1.2 trilionë euro në vit për të mbetur konkurruese

Presidenti i Francës, Emmanuel Macron, ka bërë thirrje që Bashkimi Evropian të krijojë një instrument të përbashkët huamarrjeje, siç janë euroobligacionet, me synim sfidimin e dominimit të dollarit amerikan dhe forcimin e konkurrencës industriale evropiane.

Deklarata është bërë gjatë një interviste të publikuar në disa media kryesore evropiane, përfshirë Le Monde, Financial Times, The Economist, El País dhe Kathimerini.

Macron theksoi se niveli i huamarrjes në Bashkimin Evropian mbetet më i ulët krahasuar me Shtetet e Bashkuara dhe Kinën, duke paralajmëruar se mospërdorimi i potencialit për investime në teknologji përbën një “gabim të madh strategjik”. Ai ngriti shqetësime edhe për kërcënimet tregtare nga SHBA-të, duke nënvizuar rëndësinë e zbatimit të asaj që e quajti “preferencë evropiane” në sektorët strategjikë.

Duke iu referuar zhvillimeve të fundit gjeopolitike, përfshirë incidentin e Groenlandës, Macron vlerësoi se Evropa ndodhet përballë rreziqeve serioze dhe duhet të forcojë kapacitetet e saj të mbrojtjes. Sipas tij, investimet publike dhe private në BE duhet të arrijnë rreth 1.2 trilionë euro në vit, duke përfshirë teknologjitë e gjelbra dhe dixhitale, mbrojtjen dhe sigurinë.

Presidenti francez bëri thirrje për thjeshtimin e rregullave, thellimin e tregut të brendshëm dhe diversifikimin e partnerëve tregtarë. Ai theksoi se mbrojtja e industrisë evropiane nuk duhet të shihet si proteksionizëm, por si një qasje strategjike përballë konkurrencës amerikane dhe kineze, veçanërisht në sektorë kyç si teknologjia, industria automobilistike, çeliku, kimikatet dhe mbrojtja.

Macron vuri gjithashtu në pah rëndësinë e forcimit të bashkëpunimit franko-gjerman dhe mbështeti projektet e përbashkëta evropiane të mbrojtjes, përfshirë avionin luftarak të së ardhmes SCAF dhe zhvillimin e një tanku të përbashkët, pavarësisht tensioneve industriale mes vendeve pjesëmarrëse. Ai paralajmëroi se Bashkimi Evropian duhet të mbetet i bashkuar dhe i fuqishëm për të shmangur varësinë strategjike nga Shtetet e Bashkuara dhe Kina.

Flaka

311

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•